為了實現媽媽遺願，我成為了女校男生: 初次表白/初吻

“再唔表白…就冇啦…死就死啦”
 
只有12歲嘅我，離開校門後，追住拖住妹妹嘅佢
 
「妳…妳可以等一等我嘛?bb豬」

 拖住妹妹嘅佢轉身望一望我
 
「bb豬?你…叫我?」
 




「係…我…有樣野想送俾妳…今日之後…唔知仲見唔見到妳」
 
「送野俾我?你成日蝦我，又…又叫我做…」當時嘅佢面紅紅頭耷耷好怕羞
 
「我知妳入到間Band 1中學…而我就…所以…今日我想同妳講清楚」
 
當時嘅佢塊面紅哂咁等我講
 
「呢…呢隻公仔…送俾妳」
 




「咁得意嘅…呢隻係…」佢拎起隻公仔，露出開心嘅樣子
 
望住佢天真嘅笑容，不知哪兒來的勇氣
 
我捉住佢雙手，然後錫落佢個咀到
 
兩個咀痴埋一齊，我feel到佢心跳同呼吸突然加速
 
兩個咀分開之時，佢塊面紅到好似蘋果咁樣
 




「我鍾意妳…」
 
「下?」
 
「雖然我讀書唔叻，我襯唔起妳…但係…我真係好鍾意妳呀!林雪凝!!!」
 
我下意識記得呢隻小魔怪嘅家姐係邊個，佢就係我小學時代暗戀嘅女仔
 
而我都不自覺咁講左佢個花名出黎
 
「微波爐?」
 
「呀!!!唔好再咁叫我呀!!!」
 
「妳真係微波爐??」




 
「都叫你唔好再咁叫我囉!!!」
 Jessie佢塊面紅到好似蘋果咁，掩住耳仔，而且眼有淚光