復。港: 二）

「陳梓朗，你又遲到！今日放學留堂」


講嘢既係Misswong成日都扮晒惡鬧學生但把聲仲係小朋友咁，人又靚女又細粒，如果我有啲咁既女朋友就好啦..


「係既misswong!」

「唔好再有下次呀！再有下次你有7點都唔好走！返去上堂」





「知啦misswong你講咁多次有邊次真係留到我7點(諗起可以同miss對咁耐就正)，得個講字」

「咁你今日留到7點啦，返正我有大把功課要對 」

「唔使喇miss我上堂先」


我返到去已經上緊第三堂，依家係10:15分即係仲有六個鐘就放學，每日一放學就諗住幾時放學。
係咁㗎啦，返學真係好悶～






聰：「喂乜你咁晏先返嚟㗎 」

「頂你琴晚又叫我打機今朝唔知醒囉」

聰：「你有冇睇send俾你嗰篇新聞，屌好撚恐怖～」

「睇咗啦，有咩事香港人咪都係照常返工返學」

聰：「又係嘅～不過今朝一睇到就即刻落百佳入貨先，有咩事都可以留係屋企，最重要買咗午餐肉，你知啦手持午餐肉有～～」





「頂你個樣好變態呀！唔講住瞓陣先～」


拍～拍～拍


「陳梓朗又訓教？又唔讀書係咪想做個三萬隻呀？即刻同我起身去廁所洗面」李Sir


「各位同學請注意！教育局宣布全港學校下午十二時放學，由明天起無限期停課，直至另行通知，請各位同學收拾個人物品準備好，學校必須立即回到家中」學校廣播


係廁所洗緊面既我即刻醒晒。。。






「屌！唔撚係呀」諗起呀聰今日send比我個篇新聞


即刻跑返課室....


聰：「你睇下香蕉突發《關囗守唔住 喪屍隨時到港》《教育局宣佈停課》，死啦我好驚呀點算。。」

「依家返屋企係安全地方先，你有咩call我」

聰：「我送埋女朋友返屋企就返去，你..小心啲」眼角有少少淚水

「轉頭見」






出咗學校門口個天好似特別陰，唔知係咪我錯覺呢～


「唉 唔知咩事呢」

「叫咗老婆快啲返屋企啦」

「我依家去接呀女放學啦」

「老公 夠力既話買多啲嘢食返嚟」

小巴上一人一句...






話咁快又返到屋企～好彩呀爸呀媽已經返咗嚟～