《一個常餐A啊，唔該》: Ch.3【大同世界茶餐廳】

甫踏進那大門，就聽到裏頭顧客的聲音，還有侍應們叫着歡迎光臨。

「唔該，侍應！我要一個常餐A，飲凍奶茶，多奶啊唔該你。」顧客吼叫着。

「收到！今日例湯係南瓜湯，要唔要？我地用咗好多料去煲架，唔飲走寶啊。」侍應說。

「好啊，當然試下啦，你地例湯出名足料又大碗，點會走寶先得架。」看來這是一位老顧客。

我們坐下了，看着菜單。





中途也聽見了，看見了每個顧客點的餐。

但最熱門的，依然是那個常餐A。

我一直不明所以，於是我就去問爸爸：「點解咁多人都嗌呢個餐嘅？爸爸你有冇食過啊？」

看着菜單上寫着的【常餐A】，它為我帶來了一絲好奇。

「我未食過啊，你喺咪想試下？咁就嗌一個餐比你啦！今日我同媽媽都唔想食呢幾樣嘢，我地就嗌其他。」





「好啊，多謝爸爸。」

「伙記，唔該落單！」

「好嘅，你等等。」

看來這間店生意不錯，大家都非常忙碌。

「係嘅，唔好意思老細，啱啱好多嘢做，請問想食啲咩？我地呢度係做開港式嘢嘅，好特別架，配方有好多都係家傳架，絕不外露。





「咁勁？我個仔啊，頭先聽大家都嗌常餐A，佢都想試下啊，唔該幫手落單先。阿仔，你想飲咩啊？」

「我想飲凍檸茶多冰微甜，唔該曬。」

「咁我就要個瑞士汁牛河啦，我飲凍奶茶，多奶少甜，唔該。」

「我要個焗豬扒飯，飲熱菜蜜，唔該。」

「仲有冇其他？我覆一次單先，常餐A凍檸茶多冰少甜，瑞士汁牛河凍奶茶多奶少甜，同埋焗豬扒飯熱菜蜜。

今日例湯係南瓜湯，我攞比你地啊。」

「好啊。」

滴答滴答⋯⋯時間又慢慢地流走了。