[接新娘]有冇遇過智慧型姊妹團?: 一
我相信大部份高登仔都未結婚，亦唔會知道結婚有幾凶險，呢個故事當係我免費為大家上一課，見識下真正腥風血雨嘅情場殺戮係咩一回事。大家唔洗多謝我，留個正評或者得閒請我飲下茶就得。
是咁的，小弟老友結婚了，我姓陳，而我更成為人生第一次的伴郎，亦即兄弟團的第二把交椅。早在兄弟幫成團時，新郎阿雄就曾有以下一番說話：
「好多謝大家，係我人生最重要嘅時刻，我好開心你地會同我一齊面對之後嘅難關......」說著說著，我們留意到他額角都是冷汗，
「喂喂喂，做乜你個樣咁唔老嚟！」小龍指著他笑道，
「事到如今，我唯有坦白，」阿雄從懷內掏出一封信，「我未來老婆班姊妹好唔正常，唔準我老婆結婚前見我，仲寄咗封咁嘅嘢俾我......」
我們默不作聲看著茶几上的信封，上面三隻剛勁有力的毛筆字吸去座上四個男人的注意力。
「挑戰信？！」
沒錯，信封上寫了簡單三個字，只憑這幾個字，我就肯定那姊妹團絕非尋常iPad港女。
「致親愛的新郎及兄弟團各位，小女子Apple謹代表新娘及各姊妹奉上挑戰書一封，誠意邀請各位於接新娘當日接受姊妹團各人的挑戰，每一回合以一對一形式進行，總共五回合中貴方必須取下三場勝利方能成功接走新娘，當日小女子們必定竭盡所能，恭候各位猛男光臨。」
「屌咁戇鳩？！到時我地就唔撚去接，落老麥食早餐，佢咬我食呀？」出名爛口的體力型代表泥水榮抖著大胸肌嚷道，
「咁你又唔好搞串人地Party，第時阿雄受返咋！」小龍比較溫文，亦只有他方能應付得了衝動的泥水榮，
「等等，仲有張相。」學識型代表克仔從信封裡抽出一張相片，
相片背面寫著「小女子Apple先行打個招呼！」，正面自然是一張自拍。
「Cherry(阿雄老婆)班姊妹係比較古怪....雖然個個樣唔錯但係都仲係單身，唉，你地唔好怪佢地呀。」阿雄苦惱地說，
「咁你又唔好咁講，女仔人家寫得一手好字已經非常難能可貴。」克仔一臉嚴肅說，
「冇錯，從字裡行間我睇得出呢位Apple中文根基非常好，得閒仲好鍾意彈琴添！」小龍也說道，
「佢嘅事業心都好撚兇猛喎！」泥水吞了一口口水，
照片裡樣子甜美的Apple比了個勝利手勢，上身微傾，小背心襯托的上圍頓時洶湧而出。
「等等，頭先你話......班姊妹團全部單身？？！！」我一說，眾兄弟不約異同抬起頭，眼中射出異樣光芒，
「喂喂喂，係咪個局嚟架！一陣其他姊妹全部魯芬嚟嘅！」克仔警惕地問道，
「唔係呀...Apple係姊妹團入面都唔算最靚嗰兩個，但係佢地性格比較古怪........」阿雄話未講完，其他人已沒耐性聽下去，
「吼！！！！！！！！」泥水榮誇張地躍起大叫大喊，
眾人興奮之際，我偷偷向阿雄打個眼色，其實Apple的自拍是我放進去的，一切都是為了騙兄弟們入局而已。
早在兄弟團開會的兩天前，阿雄就拿了Apple的挑戰信給我看。
「呢班女都幾過癮，搞下氣氛啫唔駛咁驚喎你！」我笑說，
「唔撚係呀！呢班女個個都串到咩咁，成日覺得男人都係廢柴，佢地搞呢壇嘢嘅目的都係要係結婚前將我收皮！如果我地班仔輸哂，我將來日子就........」阿雄說著說著開始嗚咽起來，
我皺眉拿起姊妹團的資料，Apple、Mango、Olive、Kiwi，搞甚麼？幼稚園水果班？！
「照你咁講，呢個挑戰其實係關乎老兄你同阿嫂之間未來幾十年嘅權力分佈，唔輸得喎！」我沉吟道，
那班兄弟多年老友，知道事關如此重要必定落井下石、見死不救，正所謂先安內後壤外，對付外敵之前必須先想辦法爭取眾人一致同心。然後我揭起資料後一頁看見眾姊妹的合照，頓時心生計策。
「阿雄你放心，我做得你Best man，就絕對唔會俾你成為第二個張Yan Yan！」我猛力拍檯，嚇得阿雄跳了一跳，
「邊....邊叉個Yan Yan…..？」
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
天空閃過一記悶雷，一絲絲的雨點打在臉上，快下雨了，亦剛好成為這場戰鬥的最佳襯托。
我們一行四人，除了新郎外，其他都穿著一式一樣的禮服，沒錯，我們今天準備來接新娘，但包括新郎在內，各人都沒有喜色。因為大家都知道，接下來將會是極其殘酷的對決。
奮力抖擻精神，我們踏步走進一個香港傳統圍村的正門，眾人沒人敢大意，而事實上，當我們踏進這香港四大姓之一的圍村時，氣氛已不太對路了。
「喂，點解成條村...都冇乜人...？」小心謹慎的克仔問道，
「小心！恐防有詐！」最清楚姊妹團厲害的阿雄示警，
「歡迎你地。」一陣悅耳的聲線自遠到近快速飄過，我認得來者，是Apple，
「使得出呢招移形换影嘅功夫，睇嚟你都並非等閒之輩。」我笑說，
「好準時喎，唔知你地準備好接受我地班姊妹嘅挑戰未呢～？」Apple燦爛一笑，露出潔白的牙齒，
若是平時，我們大抵已忍不住高呼「快點強姦我」，不過今天我們絕不會大意，尤其當我們不清楚對方隊伍的能力時。
「成日接新娘都玩埋啲低級Game好無聊，所以我地先諗住搞下新意思咋～冇嚇親你地嘛？」Apple說道，語調輕柔，聽得我們心猿意馬，
「傻啦，你咁大........方得體，點會嚇親我地呀哈哈！」連一向沉著的小龍都差點兒說溜嘴，只得以乾笑遮醜，
「今日我地準備咗五個回合同你地分勝負～不如咁啦，橫掂咁開心我地加啲賭本哩？」Apple一說賭，眾兄弟精神來了，
「賭本係咩先？」克仔問道，
「你地每輸一Round咪開門利是八千八囉～最後你地五盤三勝羸嘅話～～接新娘送姊妹團又點話呀～」Apple語帶涵義，聽得我們身體都很誠實，
「講得好！！！！接新娘晨早應該咁啦！！！」泥水榮興奮地大喊，
其他人沒有異議，反正開門利是又不用自己出，但我和阿雄不禁交換一下眼神。我不明白Apple為何要提出一個令兄弟團士氣大增的提議，直覺上告訴我當中有詐。
「廢話少講！妳地今日第一個項目係乜嘢！」作為隊長的我自然要出聲，
「望一望嗰邊～」Apple笑意盈盈地指向不遠處，是屋村內的籃球場，及一個早已預備好的姊妹，
「我地第一Round輕鬆啲，玩射波呀～」Apple眨了眨大眼睛，
「吼！！！！」泥水榮脖子青筋暴現，一口氣扯開外套，「廿年嘅苦練，今日終於大派用場啦！！」
不說別的運動，單只籃球我對泥水榮是擁有絕對信心的，怎樣都好，他好歹也是籃球界少有名氣的「大坑三井壽」，我實在想不出有甚麼可能會輸給一個女人。
場中的女人穿著整齊的籃球服，理得一頭短髮的她長得意外地秀氣，但眉宇間透出的霸氣倒也十足，剛好與笑咪咪、媚態盡露的Apple構成強烈對比。
「今日Mango會負責同你地鬥射三分球，總數射十球，有冇問題？」Apple看上去信心十足，但除了服裝，我看不出纖細的Mango有何優勝之處，
「射波？我每日返工都練緊啦！」泥水榮大笑道，隨手抄起籃球熟練地把玩著，
Mango笑而不語，我們說讓女士先來，她也不客氣，轉身就射個三分波。
「嗖！」漂亮的穿針，
由於Mango出手太快，我們甚至沒看清楚她是怎樣射的，然後她拿起第二個波，這次看仔細了，她是用雙手射波。
「嗖！」又穿針，
眾男已收起笑臉，因為我們知道眼前的並非普通人，不消一會，Mango已連進了四球。
「Mango係香港女子青年籃球隊嘅射手～點呀～？有冇信心？」Apple笑裡藏刀，此時我們知道她為何有持無恐了，
「你地知唔知道射三分最重要係咩？」泥水榮突然問，
眾人不解地望向他，然後他深深地吸了一口氣，
「就係..........集．中．力！」泥水榮胸部急速脹起，「吼呀！！！！！！！！」
充滿內力的一聲大喝，聲浪僅次於阿GEM全盛時期的「椅夜衣夜」，Mango剛準備投球的手頓時一震，射失了！
「喂！好茅啫！」Apple不滿地嚷道，
「真正嘅籃球高手係要做到不撚為外物所撚動！你諗下，屌，球場幾撚多人歡呼？嗌下都失準根本就唔夠水準！！」泥水榮理直氣壯地大聲說，
然後，被泥水榮的大叫和言語打亂節奏，Mango十球裡一共進了七球。其實進七球已是一個非常可怕的數字，但泥水榮徐徐步進球場，連衣袖都沒有束起，看似一點都沒放在心上，
「嗖！」他一出手就是穿針，「嗖！」「嗖！」
快速連進了三球，Apple開始急了，她故意站在場邊大聲呼叫，
「喂呀～你讓下人啦，最多人地補償俾你啦～」Apple出的口術更高層次，但出奇地，泥水榮一點都不為所動，
「果然係高手！佩服！」我不禁讚道，
「條撚樣帶咗耳塞呀！」小龍笑罵。
未幾又進兩球，雖然手段有點仆街，但出場第一戰絕不可輕視，我心內只忍不住想對他說聲「加油」。此時Mango見狀，默不作聲走到籃框下面，眾人好奇地望向她，只見她動作優雅地捉著自己的籃球衣邊緣，然後以極緩慢的速度邊扭動腰枝邊慢慢向上脫，泥水榮忍不住眼睛一瞪，射了個大針。
接著不用說，Mango每次看見他準備射球就把上衣往上拉，好幾次都露出大半個身體，連內衣都清晰可見，雪白的嬌軀皮膚吹彈可破，籃球衣下更藏了殺傷力不比Apple低的人間凶器，看得我們場邊的男人目瞪口呆，頭腦一片空白。
結果，泥水榮就保持合不攏嘴的表情，十球只進了五球。
我們嘆了口氣，沒辦法，對方的招數太強大了，
「......真係.....好撚....正.........」泥水榮掩面痛苦嚷道。
=================================================