《它殺》: 02 被誤會的少女

打手不停地用鐵通，一下一下地打在我的身上，

以至背部開始出現菸青，

我不停向後退，想避開那支無情的「武器」。

「你老母個女呀？！走？黎人，同我捉住佢！」

我被人捉着四肢，又繼續傳來一陣陣的痛楚。





點解要咁做？我做錯咗啲乜嘢？

我不淨只身體上感受到痛楚，

就連心也痛得欲撕欲裂。

究竟為何要一次又一次地把我當成一個洩憤的工具？

我終究忍俊不禁地讓眼淚奪眶而出，





在臉頰划過。

…………………………………………….…………

「哇屌⋯⋯哈哈，你地過黎睇下，條八婆竟然喊呀」

聽到殘忍的說話，沒有換來一絲的安慰，

只有更多的恥笑和嘲諷。





「我地...係咪過份咗少少呀，不如我地收手啦。」

聽到這一句說話，就知道這個男孩是新來的，

只希望不會因為他的多口，而令到我挨多幾下打。

「收手？！我收你老母！更過份嘅我都做過啊！不過難得今日心情好，就放過呢個八婆一次。」打手踩着我的頭扭了幾下。 

「仲唔快啲走？掃興。」女人帶着冷眼的目光呼喝著我。

我立刻狼狽地跑向後樓梯，然而耳邊還是不斷傳來一陣陣刺耳的恥笑聲。

 我拿起本來放在旁邊的書包，那刻的我只想逃離一切，回到那個所謂的家。

我邊跑向學校大門邊擦著眼淚，幸好家離學校並不遠。





「喂，同學。而家應該上緊堂架喎，做咩走咗出黎？」

突然有人在背後拍我，使我當堂嚇了嚇。

但我知道要逃學，就肯定不能硬來，所以便立刻裝作甚麼都沒發生過。

「Hi.呀sir。我...啱啱有啲唔舒服，呃...所以要早退啊。」

我擺出一個疲倦的樣子。

「哦～咁咋？得啦，呢排疫情咁嚴重，記住要多啲休息呀。」

「知道啦呀sir，多謝關心。」





正當我準備繼續向前行。

「咦？等等先，你隻手做乜咁多瘀青？」

老師突然捉住我的手問，痛到我即刻甩開他的手。

「好小事，只係成日跌親姐。呀，冇嘢嘅話我走先啦，真係好唔舒服。」

我急步走出大門， 深怕走遲一步都會被他發現。

但係為什麼我的眼淚會不能自控地一直流...

是因為很久沒有人關心我？還是出於自己連求救都沒有勇氣的無力感？

我走出學校後，也用非常快的速度走回家，生怕有人會從背後拉我回學校。





我知道我並不能讓唯一的家人知道這件事情，不能讓她對我感到失望，

我不能夠失去她。


我站在家裏的大門前，拿着家裏的那抽鎖匙，慢慢地打開大門。

「xxx？咁快返嚟嘅乖孫？妳唔使返學咩？哎喲，做咩搞到成身傷晒咁呀？你婆婆我老啦，唔照顧得你咁多，你都差唔多17歲啦，有咩事記住同阿婆講啊。」

是一把慈祥又低沉沙啞的聲音，亦是唯一能令我感到安心的聲音。

「我冇事，放心。」我講完之後就行咗入房，閂埋房門。

但係，點解我聽唔到自己個名？我個名到底係咩？





或者，

我由嗰日開始，已經唔記得咗自己叫咩名。