糖衣凶靈《深喉唾液殺人事件》18+: 第6章 - 毒心殺人狂

翌日早上，范文澤以家有要事為理由，向上司請了一星期假，一來方便自己的落毒行動，二來亦可避開成為病者身邊的密切接觸者而被迫執行的強制隔離。

范文澤看準了上午的空檔潛入辦公室。他任職的醫務化驗師在醫院工作，醫院為防止病毒擴散，通常將化驗師工作時的化驗室與辦公室安排在不同的地方，而化驗師工作時必須身穿合適的個人保護裝備，待工作完畢才可卸下保護衣物回到辦公室。因此，范猜測楊迪詩在午飯前一段長時間都不會出現於辦公室的坐位。

身穿便服的范文澤進入醫院的西翼辦公大樓，但在進入其辦公室前已被清潔工人認出。
「范生你好，點解你穿便服返嚟嘅？」
「係呀，今日放假，我漏咗野嚮公司，所以返嚟攞返。」
經過簡單答覆後，范文澤立即避開清潔工人的目光，然後走到楊迪詩的桌前，從密實袋內取出一個密封容器，並將從編號 8XX病人身上濃縮起來超過十倍的病毒份量從密封容器倒進楊的水杯內。
「依個就係我送俾妳嘅結婚禮物，記住慢慢享用。」
就這樣，范文澤便順利完成了他的殺人計劃，期間無聲無息，並且不為他人察覺。更絕的是，他利用病毒的高傳染力，一併感染楊迪詩及其丈夫，甚至他們的家人和朋友。




「8XX病人，我真係要多謝你，係你幫我剷除咗心中嗰條刺。」離開醫院後，范文澤自話自說。

回家後，范文澤感到異常疲倦，他認為那是因為早上的潛入行動令心理壓力超出負荷，加上昨夜失眠的關係，導致他一時精神緊張，心跳加快，便索性卧床休息，期望短時間內恢復體力。
躺在床上的他很快便進入了夢鄉，夢境中，他看到全身一絲不掛的FIONA正以笑臉迎接他，想起對方昨夜不辭而別，故立即趨前欲問個究竟。
「點解尋晚妳粒聲唔出走咗？」
「想等你狠心落手搞掂條女，點知你拖拖拉拉。」
「佢......就快死架啦，用咁高嘅病毒劑量。」
「算你有心啦。」
「有D野我唔明，點解妳會係佢分身？」
「我哋間中會睇到同知道對方諗D乜，好似精神上有條線連住，就係咁。」




「咁妳知道佢最近做過咩？答我.......」
「其實D釀蟹鉗同糖醋排骨係我專登為你整嘅，點知佢俾你試食完隨即攞嚟瘟仔。」
「原來係咁.......」
「一直以嚟，你對我係點，我個心都收到.......我係喜歡你嘅。」
「我想見妳，不如我打電話約妳出嚟........」
「唔好再打俾我，我個電話依家俾人監控緊。」
「咁我點搵妳？」
「你唔駛搵我，我自然有辦法搵你。」