「2070年的香港」《Vicarious》: 50

接下來的數天，我都在病床上休養，其實我感到自己已經無大礙，但醫生說我最好觀察一陣，因為我受的傷對普通人而言足以致命，但我卻只是受到重傷，而且康復速度異於常人，別人要是能救回來已是一個奇跡...

我想一定是多虧了改造後的身體吧....

呢幾日都係雪兔同曉日佢地輪流照顧我，出來後一定要好好請他們食飯....

躺了數天。我正打算下床伸展著身體，這時房門打開了，迎接而來的是雪兔

「臭狐！！！你係到做咩呀！！！」
雪兔突然發出怒吼





「吓....我...我我做左啲咩...」
我被她的氣勢嚇了一嚇

「仲唔快啲返上床！！醫生叫過你啲咩！！」

我被嚇得馬上跳上床，她的氣場比金牙博士加上「雷」起來更恐怖....

「咁咪乖囉....聽話就乖啦....姐姐煲左啲粥呀，快啲食啦」
我乖乖跳上床後，她又變回了那溫柔可愛的女生





「呀.....擘大口呀....我餵你食...」

「Errrr....我自己食得啦....」

「俾你講多次...」
雪兔露出了像那惡鬼般若的容貌，像我只要再說錯話就要把我碎屍萬段一樣.....

「呀......」
我乖乖地把口張開





「咁咪乖囉....」
雪兔像餵小孩般，把粥把到嘴旁輕輕地把粥吹冷...

「好唔好食呀....」
雪兔把粥送進我的口中

「好食....同你一樣咁甜...」

「傻瓜...粥又點會係甜架呢...」
雪兔聽到我的說話後正甜笑著

「唔係呀...啲粥真係係甜架....」
「唔信你自己試下...」





雪兔聽後把粥放進了自己的嘴，然後馬上吐了出來

「死火...我唔小心搞錯左糖同鹽.....」

雪兔對著我裝傻吐舌....

對著女友，我的求生本能還真高.....