「2070年的香港」《Vicarious》: 31

「衰仔.....大嗰左喎....」

老豆？......

「阿仔.....好耐冇見啦.....」

阿媽？......

回過神來...我竟坐左家中的梳化.....





「喂，衰仔！聽講你溝左我嗰徒弟喎！！」
「果然遺傳左老豆啲溝女技巧呀...」

「衰鬼....等等教壞嗰仔呀....」

「老豆.....阿媽....」
「我好掛住你地.....」
我不斷地哭出來

「大嗰仔啦....你要照顧好我最錫嘅徒弟呀....知唔知...」




老豆把手輕撫著我的頭

媽媽溫柔地對我笑著說
「仔....以後你要學識照顧人架啦，唔好再好似以前咁任性啦....」

「知道啦....老豆....阿媽....」

「仲有，記唔記得我地最希望嘅事呀....」
老豆說著





「記得....！」

「所以你絕對....絕對...唔可以放棄！」

「如果連你自己都放棄....咁我地呢個城市仲可以由邊個去守護呀....」

你若放棄，誰衛我城。

「仔...你要緊記...光復香港，從來都唔係你一個人嘅時代革命....」

我想起了雪兔，想起了V,想起了杰仔，想起了基地眾手足的面孔....

「即時可能你同佢地互不相識，工作唔同、崗位唔同，但係只要抱住同一個信念，我地就係兄弟，就係戰友！」

「明白啦，老豆....」





「好啦....我地都夠時間要走架啦...」
老豆和阿媽慢慢地穿上黃色雨衣

「咁快....？！」

「你仲有成個香港等你救架！記住老豆所講嘅說話....光復香港！！！」

「時代革命！！！」
我眼淚不斷地流下來

爸爸媽媽出了門，並把門關上了

我馬上追上他們的步伐，門一打開
只見兩隻黃色的蝴蝶正在飛舞





無論你是愛他不愛他
還是可將那勇氣帶回家
時代遍地磚瓦 卻欠這種優雅
教人夢想不要去談代價
最後即使走進浮砂
沉沒中也會發出光亮嗎
臨近破滅一下 要是信任童話
還是有望看到天際白馬
他出發找最愛 今天也未回來
留低那種意義 就看世間怎記載