「2070年的香港」《Vicarious》: 10

門打開，雪兔已經站在了門前
 
V示意雪兔進來後，便繼續說
 
「20年前，中國政府跟據前蘇聯流出嘅機密文件，發現左《超級士兵計劃》。」
 
「超級士兵....？」
我有點難以置信，這不是只有電影和科幻小說先有嘅情節嗎
 
「冇錯，佢地成功研發左一個叫做IS-14嘅藥劑，注入人體後就可以激發佢地嘅能力，但係過程十分痛苦，存活率亦只有10%。」




 
「而我就係監獄入面，被佢地當作實驗用的白老鼠被強行改造....」
 
V慢慢說出了他真實的過去
 
「以前我告訴你 刑滿出獄的故事是編出來的，事實上當年「若水革命」所有被抓捕的義士，都被抓到去解放軍位於香園圍的秘密基地，進行改造實驗。」
 
「IS-14可以激發人類嘅潛能，令佢地嘅力量、速度變成常人嘅三倍，同時亦會激發特殊能力，而能力則跟據每人體質而有所不同。實驗初期成功率好低，大約有三千幾人同時喺呢個實驗室被進行強行改造，而最後存活下來的，只有我們四個人。我地四個靠住覺醒嘅能力，逃出左嗰一個地獄。而呢個秘密，只有組織的精英先可以知道。上代赤狐亦係呢個實驗室嘅產物，佢覺醒左動態視力。而你身上有二分一IS-14嘅基因，所以你由細到大體能都比一般人好。」
 
「唔通我當時可以避開西裝人嗰一拳....並唔係巧合...？而係我潛在嘅能力....？」




 
「冇錯。你繼承左你父親嘅能力，但隔了一代，所以能力只可以係危急關頭先可以用到。而我當年覺醒嘅能力，係反應神經可以比常人快幾倍，雄獅覺醒左超強大嘅臂力，可以徒手舉起一架汽車，而獵鷹則覺醒了鷹眼，可以望到3km外嘅事物，白鯨則是覺醒了聲納定位嘅能力。」
 
「當時我地靠住能力逃出左實驗室，加入左當時苟且殘存的Vicarious。」
 
「之後我哋兩次嘗試攻打實驗室，但係我地未能成功摧毀呢個實驗室，佢仍然不斷咁進行住改造實驗。」
 
「咁老豆.....同埋雪兔佢地....」
 
「冇錯，佢地係我地攻打實驗室時所救出嘅人，你父親係第一次，而雪兔則是第二次」




「雪兔已經係第三代藥劑所製造出嚟，所以佢擁有嘅能力會比教多樣同穩定....至於佢嘅過去.....都係等佢親自話你聽啦。」
 
我望向雪兔，只見她臉如死灰，似乎不想再提起那一段過往。
 
「蕎.......」
 
「嗯......當我做好準備會告訴你....」
 
「好的，不用著急.....」
 
V開口說
 
「不少組織中的精英，都是實驗室的造物，既然你知道了組織的秘密，那就表示我們完全信任你，赤狐希望你不會令我們失望。」
 
「我必不負組織重托。」




 
「好，有你呢句就足夠。」
 
「你都攰啦，同雪兔一齊返去休息啦。」
 
「好嘅」
 
途中雪兔變回像從前一樣沉默不語
 
我就和她兩個人慢慢地回到房門前
 
「聽日見.....」雪兔對我說 她的心情還沒回復
 
「嗯......」我有一句話很想說出口
 




雪兔打開房門進了自己的房間
在門關上的剎那
我用力按住門
 
「做.....做咩....」
 
「無論.....無論未來發生咩事....我都會同你一齊面對！！」
 
終於說出口了...這比表白更羞恥呀！
雪兔聽到的瞬間哭了出來
她但馬上破涕為笑
 
「傻瓜.....早啲瞓啦聽日要集訓呀！」
說完便關上了門，把我丟棄在門外。