冬末春初，愛做義工的我遇見渾身煙味的你: 3.9 我們四人

吃飯的時候，我坐在Joe的對面，看著他的臉，總是讓我想起過去幾次跟他單獨吃飯，他總愛做一些很孩子氣的事情。而這一天也不例外，他從Kenneth的盤子裡偷偷夾走一塊雞肉，然後從自己那邊夾起一塊肉，放到他的盤子裡，而Kenneth只是一臉淡定，可能早就習慣他這樣，他卻滿意的笑著。
 
我看到他傻傻的笑，不自覺也跟著他笑。
 
「喂。」我夾了一塊肉給他。
 
然後他又夾了一塊給我。
 
「喂，你地食飯未啊？夾黎夾去？」Cindy像媽媽的說著。
 




「食喇。」Joe終於收起笑容。
 
「係呢，你地黎緊完sem之後sem break有咩做？」Cindy問。
 
「有咩好做啊，咪又係去做intern，睇下邊度請我啦。」我答。
 
「我都係等email，邊似得Kenneth，一早已經收到offer。」Joe說。
 
「我都係早報姐。」Kenneth一臉不好意思說。
 




「學霸緊係一早比大公司收左啦。」Joe說。
 
「真係羨慕你地可以自己揀實習，我就冇喇。」Cindy感歎。
 
「你咪仲好，唔洗諗，畢業有人請喇。」Joe羨慕的說。
 
「都係，不過都係做翻嗰行。」
 
「你唔係鐘意做社工咩？」Kenneth問。
 




「都係，不過有時都會覺得好無力，唔係想幫人就幫到人，有好多野我都控制唔到。」
 
「冇辦法啦，呢個社會咁多問題，唔係一個人就可以解決，有好多時候我地都身不由己，幫到就盡量幫啦。」Joe說。
 
「係嘅，唔好比咁大壓力自己啦。」我試圖安慰CIndy。
 
「講翻你地啦，你地想做啲咩啊？」
 
「我應該都係做翻IT狗啦，求其搵間公司。」Joe自嘲著。
 
「我都未諗啊，求其搵份幫到人嘅工啦。」我說。
 
「咁都幾好，聽落都好適合你，你咁鐘意幫人。」Kenneth說。
 
我以笑回應。




 
「Kenneth呢？」
 
「我想做一份可以改變世界嘅工作，想發明一啲可以幫到人嘅App。」Kenneth說著，眼神好像閃閃發光。
 
「大發明家，我等你提攜小弟。」Joe笑著對Kenneth說。
 
看著Cindy，Kenneth，Joe三個人，我感覺有人明白自己，畢竟大家都是同齡，大家所面對的處境可以互相明白，甚至開解對方。我希望我們可以繼續這樣在一起。
 
吃飯的時間過得很快，又到了分別的時間，Cindy又向家的方向離開。
 
「我今日同你地去埋巴士站，況且我冇野做。」Kenneth說。
 
「唔好啦，都唔順路。」我說。
 




平常Kenneth都不會跟著來，況且我想跟Joe獨處。
 
「唔緊要，送你地去搭車，吹多陣水。」Kenneth很有誠意的樣子。
 
「是但你啦。」Joe說。
 
於是，我們三人一同向著巴士站的方向走，三人按著手機沉默了一會。
 
「Emily，我一路都想問你，點解你一開始會黎做義工嘅？」Kenneth突然走到我旁邊問我。
 
「我果陣冇乜野做，然後上義工網見到呢個中心搵義工，於是就自己去左呢個中心。」
 
「你咁有愛心自己搵義工做。」Kenneth投以欣賞的眼神，我感覺不好意思。
 
「得閒咪黎囉，你地都好有心啊，次次都黎幫手。」我只好這樣回應。




 
「哈哈，我地都係人地叫到臨時黎幫手姐。」Kenneth尷尬的笑著。
 
「唔洗分得咁清啦，大家都係做義工姐。Joe你話係咪？」我說。
 
「係，緊係啦。」Joe說。
 
我剛剛見到我的巴士快將到站，於是先跟他們道別。
 
「我有車啊，Byebye。」
 
「Byebye，下次見。」Kenneth笑著說。
 
「Byebye，下次見。」Joe說。