冬末春初，愛做義工的我遇見渾身煙味的你: 2.18 我的好朋友

春天的天氣讓人更加不想逗留在人多的地鐵站裡。地鐵裡面人依舊很多，我們也只能站著，緊握扶手。
 
「其實，你諗住Kenneth生日點樣慶祝？」我問。
 
「都係好似我咁囉，買個蛋糕，吹個蠟燭，一齊食個飯。」Joe說。
 
「你地同班同學唔會有個圈子一齊慶祝下咩？」
 
「我同Kenneth平時上堂好少一齊坐，佢有佢班學霸朋友，我有我班成日靠我source嘅朋友。」
 




「我一路以為你地係因為同一個major所以好熟添。咁你地點樣識？」
 
「話說有一次我同唔到自己班fd一齊reg同一個course，咁諗住要自己上堂，咁啱就撞到Kenneth。咁搵到個同系嘅人緊係相認先，起碼有個照應嘛。」
 
「哦，原來係咁。」我恍然大悟。
 
「你會唔會覺得我地好唔同？」Joe突然問。
 
「一開始都會，但係慢慢又覺得你地幾夾，有自己一套相處模式。」
 




「都係，開頭我都係諗住有個照應。後尾發現Kenneth呢個人都幾得意，我一路以為學霸就係好悶，數理上好犀利。後尾先發現，佢係一個好有內涵嘅人，有好多諗法，仲inspire左我好多。」
 
「佢有咩諗法？我都想知。」我也很好奇到底Kenneth是一個怎樣的人。
 
「原來佢睇好多政治嘅書。以前我覺得政治關我咩事，覺得可以吃喝玩樂就算啦。但係後尾佢拉左我一齊sit下堂，我地又會一齊討論下。」
 
「乜原來Kenneth係一個咁特別嘅人，你唔講我真係估佢唔到。不過我都估唔到你會比佢感化左。你應該會好珍惜呢個朋友。」
 
Joe輕輕一笑：「係，佢同我任何一個朋友都好唔同，第一次識到呢一類人。」
 




他接著說：「佢係好男仔黎，屋企又有錢，考慮下。」
 
「傻啦，我地係朋友，同你一樣，都係朋友。」說道這一句，心裡不其然有種尷尬。
 
「我落車啦，翻到WhatsApp我。」Joe說。
 
「ok。」
 
看著Joe下車的背影，關上車門的地鐵，在茶色玻璃中只見一個站著的我。重新回到只有自己的世界，思考著剛剛聽到的話，腦海浮過Kenneth的臉，想像他跟Joe兩個在政治課上討論，畫面有點有趣。
 
沒有想到今天我們去了吃米線，我們竟然有共同的愛好。想到這裡，不自覺的微笑了。拿起手機，看到屏幕上的自己，笑得很傻，傻的我忍不住把手機插回褲袋。