冬末春初，愛做義工的我遇見渾身煙味的你: 2.16 我只想找個食米線的男生

離開皮革店，大概六點半，天開始黑，人也開始多。
 
「你想行多陣定係食飯？」Joe看著我。
 
「食飯啦不如，我有啲肚餓。你想食咩？」我問。
 
雖然時間有點早，可是在旺角如果晚一點就會人多，到時候就要等位。
 
「你有冇咩想食？你地啲女仔係咪鐘意去Cafe？」」Joe問。
 




我猶豫了幾秒。如果我回答「是」，這應該他預期中的答案。大部分女生都會喜歡去Café，可是我不像大部分的女生。
 
「佢地係，我唔係啦。」我尷尬的回應。
 
「咁你鐘意食咩？」
 
「講出黎可能有啲奇怪，我間唔中會想食下米線。」我有點害怕的說出心底話。
 
「吓。」他停了下來，很直接的張開嘴巴，瞪大了眼睛。
 




「好奇怪咩？」難道是我的答案嚇到了他？
 
「我都係啵。」他笑得嘴不合攏。
 
「咁你做乜咁驚訝姐？」
 
「估唔到你原來鐘意食。」他還在笑。
 
「咁行啦不如？」我笑著問。
 




「好。」
 
進到那一家米線店，我一坐下，菜單也不用看，就已經想好要吃的，我不喜歡改變，每一次都是點一樣的米線。
 
「我諗好喇，可以叫野喇。」
 
「我都係。」Joe說。
 
「你都真係fans黎啵睇都唔洗睇。」
 
「我次次都係食果樣。」
 
「我以為你會鐘意食果啲打卡嘅野，唔知咩極邪惡乜乜乜。」Joe嬉笑著。
 
「唔會啦，我平時好少用ig。」我說。




 
「竟然係咁。其實我都好少用。」Joe說。
 
今天的米線有點不同，卻講不出那裡不同。
 
有時候突然想吃米線，不是因為它特別好吃，只是一些習慣的味道，會突然在腦海飄過的香味。選擇吃什麼是一件讓人懊惱的事情，特別是一個人去吃飯，這裡是少數我會一個人堂食的地方。
 
「有時候食野都係簡簡單單好。」我差不多把整碗米線吃完。
 
「係，食野姐，唔洗食到雕花咁嘅。」Joe忽然望著我。
 
「哈哈，係囉，米線都幾好食。」我說。
 
食完米線後，我們又踏上回家的路途。