冬末春初，愛做義工的我遇見渾身煙味的你: 2.14 重視生日的你

星期六的晚上手機突然震動起來，原來是Joe的訊息：「好悶啊，有咩做？」
 
「冇啊，起屋企。」我平躺在床上，看著手機。
 
「呢排好無聊啊。」
 
「你今日做咩黎啊？」
 
「頭先同朋友食完飯，翻左屋企喇。」
 

「咁應該好開心啦，同朋友吹水。咁都會覺得無聊嘅咩？」
 
「會。」
 
「咁多人約你都覺得無聊？」
 
 我無法理解想他一樣跟朋友聚會的人會覺得無聊，他應該生活很充實才對。
 
「多人約同無聊係兩樣野。呢個世界好多人都覺得無聊，只係有人約嘅時候，我地唔會諗。」
 




沒有想到這樣的一句話會出自Joe，真令我有點意外。
 
「係嘅，有好多人不停約人，就係為左等自己睇起來冇咁無聊。」我感慨的回覆。
 
人本身就係孤獨的存在，無聊是因為我們看透人本身的孤獨，卻不願做些什麼去填滿我們的生活。可是，當生活填滿了，難道我們就不孤獨嗎？不，我們只是看起來很滿足。我們讓自己變得忙碌，只是為了看起來沒那麼無聊。
 
 
「可能我就係嗰啲人，哈哈。btw Kenneth就黎生日。」
 
「咁不如夾份買份禮物比佢？你揀禮物啦你係佢兄弟。」




 
我其實不太了解Kenneth想要什麼，畢竟我們相處的時間只有幾次做服務的星期日。
 
「不如你幫手揀？我唔識買禮物，買親都比人話垃圾。」Joe回覆。
 
「哦，好啊。其實我都唔識，我未買過禮物比男仔，唔好有期望啊。」
 
「點都好過我嘅。」
 
 「再約睇下幾時買禮物啦。」
 
我記起Joe說過，「沒有人記得我生日」、「可能男人老狗都係咁」。Joe身邊都是不會把生日放在心的人們，而他卻把這個朋友的生日放在心中。
 
男人跟記得生日這回事其實沒有關連，這是關乎那個朋友有沒有把生日當作一個特別的日子。節日是很重要，我說的是那些關乎人的節日，不是商家制造出來的節日。如果一般男人都是不會記住別人的生日，那麼Joe是非一般的。
 




節日，可以是慶祝生日、慶祝和某人相識的日子，專屬於一個人或一段關係的日子。