冬末春初，愛做義工的我遇見渾身煙味的你: 2.11 學霸

「你搭咩翻屋企啊？」Joe問。
 
「地鐵啊。」
 
「一齊囉，我都係搭地鐵啊」
 
「你都係？你唔係搭巴士咩？」我很疑惑。
 
「唔係啊。」Joe很自然的回答。
 




我記得那天在旺角相遇，Joe說是要搭巴士回家，今日卻說要搭地鐵，可能只是想要轉一下回家的方式。
 
「你住邊頭？」我問。
 
「我住葵芳。」我說。
 
「我住青衣。原來我地咁近，下次約去葵芳，唔洗出旺角嘛。」Joe說。
 
「好啊。」我說。
 




我們一路下樓梯到鐵路的月台。
 
樓梯彷彿一條隧道，面前的目的地名為明天，又名枯燥的每天。
 
背後是熱鬧的世界，霓虹燈五光十色，街上除了人，就是人，有時我會懷疑到底這個城市真的有如此多人嗎？一群又一群的小伙子，還興高采烈的聊著天，或許知道時間無多，快將說再見。
 
這個時間人群都開始散去，在地鐵站裡作道別。不論什麼時候旺角站的人都是很多，在每天的晚上更甚，星期一至四晚大多都是娛樂過後回家的人，有些拍卡的人臉上總是掛著愁緒，可能想著明天的工作。看著那些隔著欄杆，向著閘外揮著手的人，不禁讓人唏噓。
 
「唉，聽日又要翻學喇。」我埋怨著。
 




我對於上學本身沒什麼厭惡，只是當上學變成閒聊、和別人交際，做著大家認為大學生最精彩的事情，我卻找不到其樂趣。
 
「翻學真係好無聊啊。」Joe附和。
 
「你唔係學霸咩？」我反問。學霸，應該會對學習有熱誠吧。
 
「學霸都有分幾種，一種係好似NDS咁，堂堂坐爆四位，好認真日日刨書，但係讀四年書你都唔會識到佢。另一種，係你以為佢同你一樣係學渣，其實一早溫曬，佢仲同你講話冇溫書，最後仲dean’s list埋。最後一種係打天才波，本身就好似識曬啲野。不過無論邊種都好，學霸從來唔會承認自己係學霸。」Joe一口氣分析著。
 
「你好有研究啵。咁你係邊種？」我直接問。
 
「我唔係學霸囉。」Joe一臉無奈。
 
「哦，咁姐係你係學霸啦，你話學霸唔會承認嘛。」我笑著指出他的謬誤。
 
Joe繼續無奈的說：「是但啦，學霸同鍾意翻學係兩回事，我諗一個正常人唔會話自己鍾意上堂，除非上堂有增進知識以外嘅目的。」




 
「例如呢？」我好奇的問。
 
「有啲人只要有女嘅地方就想食女，上堂係一個識女女絕佳嘅場地，仲有啲女仔最鍾意圍埋講八婆是非，仲好睇過蘋果娛版，如果冇得上堂可能佢地會口臭。又有啲人上堂好似係為左瞓覺，不過我都唔係好明點解唔翻hall瞓。」Joe認真的說著，好像對上課的同學有深入的觀察。
 
「咁你呢，上堂做啲咩？」我問，我只想知道他會做什麼，是否如Kenneth所講的很多女生靠近他。
 
「我緊係認真上堂啦，我好認真嫁。」他假裝認真的樣子，我感覺他在玩弄我。
 
「你認真上堂？」我不禁質疑。
 
「你信啊？邊有人會認真上堂嫁。」Joe笑了起來，可能是因為我的愚蠢問題。我也因為我的無知問題而笑了。
 
在旺角站上車總是找不到座位，我只好抓緊扶手，他總是不抓住扶手，單手按著手機，他自以為平衡力很好，但有幾次還是忽而抓緊。