冬末春初，愛做義工的我遇見渾身煙味的你: 1.18 愛上一個人是什麼感覺？

放學到了旺角才五點多，我們去了皮革店買禮物。

「都係呢個好啲，貴20蚊，但係好似啲料實淨啲。」Cindy拿起其中一個皮革套說。

「但係望落好似差唔多。」我看著旁邊其他的皮革，好像沒有什麼分別。

「又係，不過送比人買好少少啦，如果我自己用就求其。」

說罷，Cindy拿起那件皮革去付錢。





Cindy提著一個小紙袋離開皮革店，然後問：「你唔介意我地今日食平少少？」

「我搵左一間餐廳，唔貴、好食，我想試好耐。」我答。

「好啊。」

其實前一日我特意上網找了一家Cafe，價廉物美的Cafe，早知道Cindy很節儉，最近都在省錢。

剛進去Cafe，找個靜靜的位置坐下。Cindy一臉愁緒的說：「唉，我男朋友起英國讀書好似過得好精彩，成日睇到佢ig 啲相。」





「你地會唔會成日傾下電話？」我問。

「都會嘅，一個禮拜一兩次到，但係呢近呢幾次，佢成日都話好忙，唔講咁耐。」

「有冇問佢忙啲咩？最近先係咁？」我繼續追問。

「一時話忙功課，有時話忙project，但係佢ig仲有啲擺明係落Bar嘅相，我覺得佢可能呃緊我」

「睇下，係咪之前影落嫁？」





Cindy把她的手機傳給我，上面是一張照片，一個男生在幾個火辣的女生旁邊，背景是一個酒吧。

「唉，睇黎你要問清楚佢啵。」我只能這樣安慰她。

「Long D真係好慘，冇辦法啦，邊個叫我鐘意佢，我又冇錢去外國搵佢。」Cindy還是愁眉不展。

「冇事嘅，佢放假會翻黎搵你嫁啦，好快就會見面。」

「我存緊錢，諗住暑假買機票過去搵佢。」

「都好嘅，順便去下旅行。」 

「喂，不如講下你自己，好似冇聽你講過。你有冇對象啊？」

Cindy忽然轉過來問我。





「對象？」

我想起一句歌詞，一句My Little airport的歌詞：

「世上是否真的有這種Love Disabled，心裡的這個問號，誰又能解答得到？」

我想，我患了一種名為Love disabled的病，我無法愛上一個人。曾經有人告訴我，我只是沒有遇上那個值得投入的人，找找看，總有一天會出現。

愛上一個人到底是什麼感覺？我不知道。

「冇，我冇鍾意過人。」說出來或許有點奇怪，活了二十年卻沒有愛上過一個人。在這句話到嘴邊以前還是收了起來，吞了一口口水。

「冇啊，我冇對象啊。」我只好這樣包裝才顯得沒有那麼奇怪。





「係未有姐，我相信你會搵到嘅。咁你鍾意點樣嘅男仔？」
 
「冇啊，啱Feel囉。」我想過好多遍，所謂的條件。女生開的條件不外乎高富帥，儘管口裡說著想找個風趣幽默善良的男生。

我，只是想要一個明白我的人，我想認識一個跟我相似的人，一個可以看透人生的無聊，讓我們倆共渡餘生的人。