18歲: 14

“咔嚓”

門口傳來開門的聲音。

「游嘉宏我返嚟啦，掛唔掛住你家姐我呢？」喔，原來是他姐姐
「你做咩無啦啦返嚟」Charles有點不滿地說
「咩姐？阻住你扑嘢啊？」他姐姐開玩笑地說「咦？女朋友仔都係度啊？」
「Hello家姐..」我有點尷尬地說
「你知就好啦，唔好亂咁講嘢啊」
「怕咩姐？身有屎？」姐姐有點鄙視地說




Charles只是反了個白眼回應
「係喎！我個日request咗你IG做咩唔理我啊！」她又把話題帶到我身上
「我唔知邊個係你啊..」我依舊的尷尬
「呢個啊，tiffany啊！」她邊說邊拿出她的ig
我也馬上拿出手機，讓她追蹤我
「好嘢！我地交換埋電話！嗱，個衰仔蝦你嘅話同我講，我幫你做主！」
我們就交換了電話號碼
「講咩啊，我錫佢都嚟唔切啦，點會蝦佢啊？」
我心想：你條仆街仔啱啱先鬧完我
「得，咪咁嘔心，我沖涼先！」姐姐說完就轉頭走了，之後她不忘加了一句「你老豆老母好似今個聖誕返嚟」之後就去洗澡了




Charles只是回了句「嗯」。
「點解你好似唔太開心咁嘅」我疑惑地問
「年年都話返，但就冇一年真係返到，呃得我太多次啦」他有點失落
「唔緊要啦，今個聖誕有我阿嘛！」我抱著他說
「唔好賣口乖啊，你今個聖誕要溫書啊！」
「車，掃興！你家姐返咗嚟，不如我返屋企？唔好阻住你哋啦！」
「唔洗理佢，你都係我屋企人嚟！你去我阿爸阿媽間房個廁所到沖啦！佢有排架」
「嗯，好啦」
-
我洗完澡後，他姐姐已經進了房間不再理我們，Charles則坐在客廳看電視




「你唔沖涼嘅？」
「你啱啱瞓緊教個陣我沖咗啦傻豬！」他邊說邊關電視和燈「入房幫你吹頭跟住睇戲啦」
「你做完嘢啦？」
「未啦，吊頸都要唞吓氣嘅，同埋都要陪下我女朋友架嘛」
「又扮嘢.」我小聲說道
-
進了房間後，他開始幫我吹頭，我就開始選電影。