18歲: 6

在我們確認關係之後，我都特別期待補習的日子，因為11月和12月剛好是大學生最忙的時候，他要忙著複習和趕project，除了補習時間我們都很難可以見到面，所以我都特別珍惜每一次的補習。
-
「好啦，今日就到呢到，仲有冇啲咩唔明啊」他摸了摸我頭。
那時候我已經累得趴在桌上，懶懶得回他：
「冇啦，你今日又要趕住返屋企做功課啊？」
「係呀，下禮拜有好多嘢要交啊。」
「又冇得一齊食飯？」我略帶撒嬌地說。
「我哋好耐冇一齊食飯啦！」
「嗯，我完sem之後再補返數啦好冇？」他哄著我說。
我撅了撅嘴，之後就開始收拾東西準備離開。




「唔好扁嘴啦，一係買外賣上我屋企一齊食？橫掂我哋住咁近同埋我屋企都冇人。」
我聽到後，心裡樂翻了，但我沒有表現出來，而是說：
「你依家係咪拐帶未成年少女先！」
「咁你俾唔俾我拐帶先？」
「行啦咁多嘢講，肚餓啦」 我反了一個白眼。
Charles收拾好東西，就牽起我的手走向了巴士站。
-
「下一站，xx街」巴士傳來廣播
「仲唔行？落車啦喎」我疑惑地問
「仲有幾個站啊」




我覺得很奇怪，明明平時都在這裡下車的。
-
「下一站，xx閣」巴士又傳來了廣播。
「落車啦，傻妹！」
我這時心裡有很多問號，這裡跟我家有一段距離，也有20分鐘的路程。
下車後我也直接問了他
「喂呀，你呃我嘅，又話住係我附近？隔咁遠你就唔洗成日送我啦，你都會攰架嘛。」
「20分鐘都唔係好遠姐，況且你個邊啲街燈咁暗，又少人，等陣有壞人蝦你咁點算？我唔放心啊！」
「車，你咪就係最壞嘅人囉。」雖然嘴裡這麼說，但心裡覺得很甜。
他靠近我耳邊說：




「但你都係咁中意我喎。」
他聲音很好聽，很有磁性。
「最唔中意就係你啊！！！」
我聽到後很害羞，就走得很快。