《再追一次初戀》: 阿浩

午飯時間，四人買了外賣回canteen。

「如果係真，個女仔原來無呃你，咁你宜家打算點？」天宇喝著可樂問。

「有得點？對佢黎講，我係七年前嘅ex，唔通仲係翻埋一齊咩。而且佢都唔係我識嘅佢啦。」飯盒遮住了政宸的表情。

「講得啱呀，過左去嘅野就由佢過去啦，千其唔好死纏爛打。」阿浩似乎話裡有話。

「做咩事？你唔係次次都撇得好乾淨嘅咩？」志文好奇地看著阿浩。





「屌，有個ex，唔知邊度搵到阿晴ig，走去屈我以前騙財騙色。痴撚線！我從來無呃女人錢，都無騙過色！」阿晴就是阿浩的現任女友，阿浩鮮少説粗口，可見這次真的很頭痛。

「下？你拍過咁多次拖仲係青頭？」志文驚訝道。

「今次係認真？」天宇瞪大了眼，第一次見阿浩竟然會為了女友如此煩惱。

「唉⋯⋯搞唔掂。」阿浩看了看自己的兄弟，一個為情煩惱中，一個只有一張嘴的A0，一個傻的，沒有一個靠得住，還是自己想想辦法怎樣哄好阿晴吧。

政宸自顧自地吃著飯盒。他的心情很複雜，如他所說，現在的嘉昕已經不是和自己一起的嘉昕了。但每當他想起那天嘉昕回憶過去的表情，內心都隱隱有點愧疚，明明自己沒有失約，但確是自己讓她傷心過。





愛過的對象，一個人等自己等到深夜。這一個月自己行屍走肉般的生活，她過了多久？有多少個晚上，她想起自己時會偷偷落淚？

他想作出一點補償，卻無從入手，畢竟對方早已捱過了，也放下了。