高富帥轉校生睇中我？！: 終於

「顧曉峰，你玩夠未？可唔可以唔好咁小學雞？」歐諾宏個樣好無奈咁講。
「雖則我唔係特登，但係見琴你咁嘅衰樣真係幾開心。」顧曉峰得戚咁講。



正當氣氛搞到好疆嗰陣，鐘聲識趣咁樣響起，打破左呢個局面。同學紛紛返埋位，而顧曉峰冷笑完都行開左。我頭dupdup咁返埋位，歐諾宏見到我返到嚟，即刻叫住我:「懵丙！今日得唔得閒同我食lunch？」
我望左望隔離嘅欣欣，佢背住歐諾宏對我做口形:「你放心同佢食，我去搵李敏兒佢地食。」又對我單左單眼。唔樣唔算重色輕友㗎可？





於是我擰轉身答佢:「嗯。」
「OK!Lunch之前嗰堂係block 1，我地喺班房集合，我帶你去個地方。」
我疑惑咁問:「咩地方？」
「到時你咪知。」佢懶神秘咁講。



到左lunch，我地喺班房會合完就一齊落樓梯。我地行得算快㗎啦，但係我一直feel到隔離有好多對眼望住我地，喺度議論紛紛，唔洗聽都知佢地講咩。





歐諾宏帶我去隔離間ok買左兩個撈麵同兩盒蘋果綠茶，就起行到附近嘅公園。
「做咩帶我嚟呢度？」
「遠離煩囂。」
我攞起碗撈麵，靜靜地咁開始食。



「吳雪晴。」佢突然間望住我講。「你中唔中意我？」





「噗噗，噗噗...」My heart is beating quickly.



「做咩......突然咁問？」
「因為我想確認吓你嘅心意。」佢放低左手上面嘅撈麵，個樣好認真咁同我講:「我中意你，所以我驚你比顧曉峰搶走。我想等你再同我相處耐啲再表白，但係我已經等唔切。」



我呢個唔起眼嘅女仔竟然連續兩日比人表白......





我shocked到棚牙係咁震，一粒字都講唔到。
「吳雪晴，你願唔願意做我女朋友？你而家未比到答案我都唔緊要，我會等。」
「嗯！」我冇猶疑，即刻面紅紅咁點頭。



歐諾宏見到我嘅回應，即刻開心到攬住我講:「多謝你。我會盡我一切嘅能力去愛護你。」

（Sor技術問題遲左一日更）