高富帥轉校生睇中我？！: 男神駕到

我個樣好平凡，唔高唔矮，唔肥唔瘦，圓框林真心款老豆眼鏡，對眼唔算大，不過我自認笑容幾靚咁囉。攞我同校花比，差成個gap。不過，我係出左名嘅學霸，由中英數通甚或經濟中史文學呢三個elective，我都通通穩坐第一。




話就話中五，不過我從來都冇拍過拖，啲同學係咁放閃我都唔多在乎。學校啲男仔唔算靚仔，校草得嗰幾個，比啲靚女霸晒啦。








有一日我入到班房，全部人喺度吱吱喳喳咁，唔知講緊啲咩。我返埋位問坐我隔離嗰個哨牙肥婆林欣欣，佢拉全我隻手噴晒口水咁講:「喂李穎穎，今次堅爆！男神插班生會入嚟我地班 聽講係超超超靚仔！！！」



吓，一插班就入嚟我地呢班精神班，睇嚟有啲料到喎。我搭左兩句嗲就攞起本中史notes睇，大佬今日又有quiz，唔溫點保得全個第一名。




「鈴鈴鈴鈴鈴...」鐘聲響左，全班罕有咁靜晒，啲女同學全部發晒光流晒口水咁等個插班生入嚟。








「咯咯咯...」班主任屙屎玲對高踭鞋聲喺寂靜之間更加梗耳。當佢着住件姣pink連身裙行入班房，後面有一個高高瘦瘦嘅身形，跟住佢行入嚟...