被吞噬的世界: 06

「其實我最近成日都係度諗，如果上幾輩嘅人無製造咁多加劇全球暖化嘅機械，地球而家會係點...」我一邊走上樓梯，一邊回想起這個陪我渡過每個晚上的問題。

「我就覺得呢個可能已經係最好嘅結果，起碼太陽無跌落地球。如果換轉第二種自然災害，地球可能已經無生物生存喺度。」

「但係你唔覺得好唔公平咩?明明唔係我地造成嘅，但就要我地承擔，想補救都唔得...」

「呢個世界無話咩公唔公平，只好怪自己命差，生喺呢個世代。同埋如果要補救，我相信機會已經比左上幾輩嘅人，只係佢地無珍惜到。與其依家喺度怨，倒不如學好啲求生技術好過啦，無膽妹。」說完，他點了一下我的太陽穴，然後馬上向上跑，就好像預知我會報復他一樣。

「講咩呀你!」我便立即跟上他的腳步，與他打鬧。-----幾分鐘前天台-----





「報告隊長，西南方深水區發現兩隻皮瘠龍。」

「好彩暫時距離聳天大廈仲有啲距離，記錄低佢哋大概身形同行為，唔好主動吸引佢哋，有任何異樣都要同我講。」我向所有隊員說。

「隊長，加上最近海域嘅可食用魚大幅減少，應該係同最近增加嘅皮瘠龍有關。使唔使派隊員喺較遠嘅海域驅趕佢哋？」

「倉庫糧食剩低幾多？」

「雖然有大幅減少，但以前儲低嘅糧食都仲可以提供到三個月。」





「咁唔使咁快驅趕佢哋，接住落嚟嘅兩個星期，觀察下皮瘠龍數量有冇減少再決定。」

「Yes!Sir.」

-----------
P.S.更住少少先，有啲忙