被吞噬的世界: 04

我原本以為螃嵐座這些沒有倖存者選擇居住的半廢棄大樓內裏會無比陰森，看來我錯了。
 
雖然螃嵐座並沒有聳天大廈的落地玻璃，只有四面水泥牆以及以前留下的間隔。但是每幅牆都有幾個大小不一的窗口，令陽光得以投射進這冰冷的樓宇。

進入大廈後，探險隊沒有人多說半句話，每人都熟練地前往後樓梯，向上走往最終的目的地—天台。

「刃桐，我哋平時就會喺度觀察一陣，然後再去其他地方睇睇。你依家可以自己周圍望望，但要小心唔好踩到一啲就嚟碎嘅水泥。大概一個鐘頭後我哋先離開。」莫言說完與他的隊友紛紛從軍服中拿出望遠鏡，向四面八方看去，我即時顯得很多餘。

「Ok，冇問題。」





由於我沒有望遠鏡及其他專業工具，所以我只打算在這座建築走走，反正這座建築設計簡陋，一定不會迷路。

「使唔使我陪你？」當我在隨風身邊走過時，他臉帶一點疑惑地問我。

「阻住你哋做嘢，唔係咁好嘅...」「唔怕啦，反正都夠人喺天台度觀察。報告隊長！我同刃桐去周圍巡查一下。」我還來不及推遲，隨風便已向莫埔報告。

「好，小心為上。」莫埔說完，隨風就帶着我向下層走去。

「點解呢座大廈冇人選擇據點嘅？」我向前方的隨風問。





「都有好多原因，最大原因就係呢幢野樓齡比其他大廈高，隨時比海獸游過一掂到就冧，所以唔會被選擇長期居住。」

「海獸？海入面嗰啲不知名生物？我喺間房入面個窗度望過下。」

「可以咁講啦，不過嗰啲生物分為三個等級。海獸係最強嗰類，其次係海熬，最後就係海馳。每一類都包含好多生物。」

「佢哋啲名咁特別嘅，點歸類㗎？」我輕輕一笑，繼續追問。

「好簡單啫，按返佢哋每隻嘅特點去分。就同佢哋個名一樣，巨型嘅就歸入海獸，生命力比較強嘅就歸入海熬，最後游得快嘅就歸入海馳。每隻海怪主要得一種特點，所以好容易分。」





「當然，海獸係最難處理，而海馳就最簡單啦。莫埔無同你講過咩？」隨風再補充。

「佢有教我基本用刀對付海怪嘅招式，但就冇提到有三個級別。可能佢覺得以我嘅能力淨係可以對付到最簡單嗰隻掛。」我邊笑邊自嘲。

但我沒有怪莫埔，因為事實上我能力的確未夠出色。不告訴我真相，可能是為免增加我的恐懼。