被吞噬的世界: 01

主角視覺(曹刃桐)

「叩叩叩」

「入嚟啦。」當我正收拾行裝，為明天的行程作準備時，一陣敲門聲響起。

「點啊？你執好野未？聽朝一日出我地就出發。」

踏進我房間的人是莫埔。他是探險隊的隊長，身穿一套軍服，身上大小不同的口袋都裝滿了各種工具。他那像顆菇的髮型永遠與他的服裝格格不入，可能是為了進行行動較為方便，不用打理吧。





「You see.而家執緊。」

我絕對不是不想理會他而草草回答，事實是我內心的恐懼已支配我全身。但我絕對不能在莫埔面前表現出來，要不他便肯定不會批准我跟探險隊外出。

「我建議你再考慮下係咪真係要出去先好啲，出面個世界唔係玩玩下。一唔小心差錯腳，咁就一世。仲有咁多...」

「得㗎啦，我梗係知道啦。同埋你都知我為咗呢一日訓練咗幾耐，我對我自己有信心嘅......」

我感覺到莫埔語重心長地看着我，但我卻不敢與他四目交投，只怕他會看穿我的內心。





「咁你介唔介意話俾我聽做咩要咁堅決出去？個個仲生存到喺呢個世界嘅人都博曬命咁留係倖存點，為保住條命。而你...就同佢哋相反，真係想博曬命咁出去，出面有金執咩？」

「你就當我係進行緊人生嘅一個歷練啦，一世留喺呢幢野入面都唔係辦法，倒不如出去攞下經驗，遲啲有咩事都唔怕呀嘛。」我口上說得輕鬆，但心臟卻在大力地呯呯跳個不停，緊張得快要死了。

「唉，算啦，我唔繼續咁長氣問你啦。不過都要提提你，聽朝一早我會嚟搵你去60樓倉庫攞件武器傍身。所以你盡量輕裝上陣啦。啊，仲有呢個比你。」

未等我開口說話，他就已經向我拋來一個便攜式手電筒。在這個沒有供電的世代，能找到一個有乾電池的電筒，簡直是奢侈品。

「See you tomorrow.」說完，他便關上門，離開了。





而我就匆匆收拾好簡單的物資，把一瓶水、幾塊乾糧、手電筒以及一件防水風褸放進小型背包便去洗澡，準備睡覺。

當然，我失眠了。

誰能在這緊張又恐懼的情況下睡着啊？

就這樣，天準備亮了。

「嘩，搞咩啊你？」

隔天我一打開門，莫埔身後的揚天便打量着我的臉孔並說道。

「睇佢個樣就知冇瞓過，咁大個黑眼圈仲使問。」莫埔不像昨天一樣表現得語重心長，只是冷冷地回答，我想可能是在隊員面前要表現得威武一點。。

「知道終於可以出去興奮呀嘛......」我伸伸舌頭，假裝可愛，飾掩自己的真實情緒。





「你真係當出去玩㗎喎。」揚天單手掩着臉、搖搖頭說。

「夠鐘行啦，拎齊嘢跟住我。」莫埔指指我的背包，與揚天在門外站着。

揚天雖然與莫埔一樣身穿軍服，但氣場截然不同。莫埔是略帶肌肉壯漢，給人感覺威嚴。而揚天卻有種少年感，形象清爽，的確有幾分帥氣。

「Ok，行得！」

我穿上防滑的運動鞋，關上房門，慢慢地跟在他們身後前進。

「刃恫，你而家驚唔驚啊？我記得我第一次出去嚇到腳震啊。好彩果次有命返嚟咋⋯⋯」

揚天一邊行一邊說，說着說着我們便到達了倉庫。而我，根本沒有心情聽揚天的自白。





到達倉庫門口，只見莫埔在身上拿出一串鎖匙，挑出其中一條用來打開倉庫的鐵門。

不，並不只一道鐵門。還有幾道木門以及最後的防火門。

一打開最後一道防火門，我眼前一亮。