【校園】【純愛】那天來了一位交換生: 第七十四章

【Cherry視覺】

Hello

大家好呀

第一次同你哋見面

我係陳子豪嘅女朋友Cherry呀





大家應該都對我唔陌生

呢個故事其實唔應該有我係度講嘢

但係呢個位我都想同大家交代吓

(其實係作者諗唔到寫咩好 所以叫我出來講下嘢)

(不過你哋唔好俾佢知我同你哋講 :P ) 





我見到佢咁俾心機去溫書

我真係好開心架

佢仲要攞到咁理想嘅成績喎

我都無預想過會咁好

我以為最多都係70幾分





以前見到佢上堂完全唔專心

一係訓覺

一係同人吹水

再唔係就喺櫃桶打機

我真係好擔心佢

你哋都知啦

我哋已經中五架喇

仲要已經Final





真係已經踏咗半個人入去DSE

我唔想再見到佢咁

我就諗到不如用一啲野激勵下佢

所以我就話用今次嘅Final比賽

贏咗果個可以實現一個願望

因為我知道佢一定有好多嘢想做

但係又驚我無咩興趣所以一直都無叫我去做





我要激起佢獅子座嘅好勝心

不過我唔可以比佢贏

因為我都有我自己嘅計劃

只係到最後我冇諗過佢真係可以考到咁高分

可能我真係太睇少佢

不過

咁亦都證明咗其實如果佢肯去做嘅話一定做得到

同我聽到佢話為咗我所以先考得咁好





其實我好開心

因為佢真係會為咗我去付出好多

同時我都好擔心

佢要我咁樣迫佢先肯去做

推佢一下先行一步

如果有一日我唔再係佢身邊

咁佢係咪會變返以前果個唔嗲唔吊嘅佢