【校園】【純愛】那天來了一位交換生: 第六十四章

依家每日都唔得閒

差唔多日日都夜晚先返屋企

跟住每日又要鬼咁早返學校

點解要早番學校？

屌



日撚日都咁夜返歸

撚有時間做功課咩

咁梗係要做啲返去抄架啦

雖然真係好撚想休息

但係Cherry嘅生日越來越近



我都越來越唔可以休息

我而家差唔多每日都係企係門口等學校開門個班人入面

連校工都差唔多認得我

有時啲老師見到我仲喺度問我

老師：睇嚟你終於肯生生性性讀書啦喎



我每次都係笑而不語

如果唔係而家學校捉功課捉得咁緊

我仲唔留係張床訓多半個幾鐘咩

辛苦嘅日子好快就結束

差唔多就到佢嘅生日

我問Cherry

我：你遲啲生日有冇嘢做呀

Cherry：估唔到你仲記得喎



我：女朋友生日喎點可以唔記得呀

Cherry：果日我daddy mammy都去咗出差 所以我諗應該都無乜嘢做

我：咁我陪你啦 你有冇啲咩想做

Cherry：不如去唱k吖 我好耐都無唱過k喇

我：兩個人唱k好似有啲怪咁喎

Cherry：咁不如你搵埋班兄弟 我再揾我啲姊妹啦

我：咁我問下佢哋先



我：咁多位大佬 遲啲小弟女朋友生日有冇興趣一齊去唱K

文哥：你諗住女朋友生日同我哋去唱K？

我：屌 佢梗係會嚟埋啦 你是咪on9

傑仔：我哋撚知你咩 不過我應該冇問題

鋒哥：我嗰日有嘢做 嚟唔到

金仔：+1

強哥：我問一問我大佬先

然之後其他人都話ok



強哥條女都放人

咁我就同Cherry講

我：除咗鋒哥同金仔之外所有人都話可以

Cherry：我班姊妹都可以呀

我：咁不如我哋開個gp方便我哋傾

Cherry：ok呀

咁Cherry成日果日嘅活動基本上都搞掂晒