【校園】【純愛】那天來了一位交換生: 第六十一章

既然呢一個情人節嘅大作戰都成功咗

咁即係代表今日呢一個短暫而美好嘅情人節之夜應該都差唔多要落幕

咁如果要一個完美嘅結果嘅話

咁就梗係要送埋佢返屋企啦

我同佢一路上道係到十指緊扣





雖然呢一段路程嘅時間真係好短

但係對我嚟講

我唔知佢啦

但係淨係對我嚟講嘅話

我真係唔想行完





因為真係好幸福

但係無奈

都係個句

有啲嘢總會有盡頭

無論我幾唔想都好





我始終會有一日送到佢返屋企

去到佢屋企樓下嘅大堂之後

佢轉身攬住我

Cherry：今日真係好多謝你呀

我：傻豬嚟嘅 做咩無啦啦係度講多謝啫

Cherry：因為我真係未試過過一個咁開心嘅情人節

我：咁就梗係啦 我係你第一個男朋友嚟架嘛

我一講完





Cherry佢就即刻撲咗埋嚟錫我

唔係普通錫一錫果隻喎

係真係深情親吻果種喎

食完之後 

Cherry：我愛你呀

我：我都愛你呀傻妹

Cherry：應承我丫 唔好離開我 無論發生咩事都好 你都要留住我





我當時完全唔明白點解佢要咁講

但係作為一個稱職嘅男朋友就當然會應承佢啦

但我目送咗佢上樓之後

我都開始起程返屋企

返到屋企嘅時候

我見到屋企個閘開咗

仆街

唔撚係咁撚悲哀下話





情人節先有賊入屋

但係我冇武器

好彩我都叫食過夜粥

一入到去

即刻聽到一把好熟識嘅聲音

老豆：終於返嚟喇咩

老母：有冇好好地送人哋返屋企呀





我：點解你哋會係度 同埋你哋點知㗎

老豆：喂 呢層樓我買架喎 咁點解你又會係度呀

屌

老母：果然係兩父子 我哋頭先返緊嚟嘅時候係街上面見到架

老豆：個女仔唔錯吖 眼光有份我一半咁上下

老母：好心你啦 咁大個人仲講啲咁嘅嘢 

唉 屌

我都費事再等佢哋噏

跟住我就去咗沖涼

「唔好離開我 無論發生咩事都好 你都要留住我」

到底係咩意思

都係唔好諗

應該都係擔心未來架姐





我應承你