【校園】【純愛】那天來了一位交換生: 第五十五章

2月14日

等咗咁耐

終於到咗呢一日

唔係講笑

呢一個禮拜對我嚟講真係好似過咗成年咁





我真係好耐都無試過咁用腦

考試都無咁辛苦

但係喺臨近橋嘅過程啲搬走都係開心嘅

因為我真係好想知道佢對你呢一個plan會有啲乜嘢感覺

到底佢會唔唔會鍾意





我今日差唔多12點先起身

因為我哋今日嘅活動係7點幾先開始

事關佢今日話屋企有啲事

所以日頭唔方便出嚟

咁都係嘅





始終我哋兩個嘅屋企人都唔知我哋有拍拖架嘛

咁我見起身無咩嘢做

所以我就碌下IG

一開IG就見到周街啲撚樣都係到放閃

一個二個喺度我愛你你愛我咁

真係睇見都眼冤

不過唔緊要

因為今日我都唔擔保我會唔會放閃





喂

咁都話晒係第一個情人節呀嘛

我都唔知我會有咩感覺嘅

好啦

都係唔好講咁多

大概去到4：30左右

終於差唔多夠鐘出門口喇





嘩

我真係第一次覺得時間原來係過得咁慢

我去到衣櫃面前

一打開

頂你個肺

一套好睇少少嘅衫都無

要怪就怪我平時冇好好咁襯衫

無辦法啦





死毒撚就係乜都唔識架喇

死啦

我近排係咪受咗啲咩挫折

做咩突然之間咁負面嘅

算

咁衣櫃都無咩衫揀啦

咁唯有隨便啦





最後我揀咗一件棗紅色嘅hoodie 然之後再配一條黑色嘅工裝褲

然之後再著多對深藍色嘅stan smith

臨出門口之前

我拎咗一件比較厚少少嘅褸

因為我都驚佢今晚會凍

好彩仲未遲到啫

岩岩好夠鐘

冇幾耐之後

我就到咗約定嘅地方

我仲早咗到添

但係唔夠一分鐘之後

我已經見到Cherry

嘩

唔撚係呀