【校園】【純愛】那天來了一位交換生: 第四十章

入到去運動場之後
    
我第一眼就望倒Cherry

佢係度幫緊同學搬物資

又要講下我哋學校陸運會嘅小小背景啦

咁我哋學校有6個社





咁我就以藍綠淺藍啡紅黃嚟表示啦

我係藍社嘅

而學校為咗可以令轉校生更加融入我哋嘅校園生活

所以佢哋都會平均分入我哋6個社

Cherry同我一樣係藍社





而阿朗就同阿軒同強哥一樣係淺藍社

番番嚟先

我一入到運動場就見到Cherry係度幫我哋社嘅人搬運物資

咁我仲企係度做咩吖

梗係即刻埋去幫手啦





我一手攞咗佢捧住嘅箱

我：等我幫手啦 你早幾日扭親就休息下啦

Cherry：我冇事

我：無事都抖下 粗重嘢男人做架嘛 返去坐下啦

Cherry：唔該

講完佢就轉身返番去我哋個社嘅位置

我開始可以同佢正常傾偈喇

心情即刻變到好好





拿拿聲搬完物資之後

我都返埋位

我緊係坐係Cherry附近啦

唔係我唔想坐佢隔離呀

而係佢去咗同佢班frd一齊坐呀嘛

咁我冇理由阻住人架嘛

咁咪坐佢附近攞





見佢哋有時傾計有時指住我

應該係講緊我？

唔知Cherry而家係咪下咗氣呢

話咁快

今日嘅陸運會就要開始喇

訓導主任：請全體學生起立

訓導主任：而家請我哋嘅學生代表帶領宣誓

等學生代表同校長講完一大輪嘢之後





我哋最後一年嘅陸運會終於開始喇

老師：而家請工作人員, 各個項目嘅負責老師到自己所屬嘅區域 今屆陸運會嘅比賽將會喺30分鐘後正式開始

我參加咗嘅項目最早果個係200M 但係都有排先開始 

所以即係我仲有大把時間做準備

老師：而家首先請男子C grade 100m 跨欄同男子C grade 推鉛球嘅參賽者到召集處報到

唉

又諗起今次就係我中學生涯裡面最後一次陸運會喇





以前成日係度玩

完全唔識得珍惜

而家就係度怪自己點解之前要咁樣係度浪費時間

突然有人拍我膊頭

金仔：做咩呀 毛哥 呆晒咁嘅

我：冇嘢呀 我諗緊嘢咋嘛

阿峰：諗緊陣間點氹人哋呀？

我：冇呀 要準備嘅都準備晒啦 盡力就好啦

金仔：加油啦 信你實得嘅

過多一陣之後

：男子甲組100m 初賽最後召集

文哥佢哋都參加咗100m 架喎

咁我都落去同佢哋打吓氣先

落到去已經見到佢哋喺召集處果度拉筋

我：咁多位大佬睇嚟都好有信心喎

文哥：梗係啦 你陣間唔好嚇親添呀

金仔：等我話比你知咩叫快過光速

阿軒：I will be back in a flash

強哥：今鋪冚家剷喇 一個二個中二癌發作 點贏呀

阿軒：不過我就建議你留意下展希 話晒陣間你要同佢跑 收下料都好

我：得啦 你放心 我識做架喇

老師：而家請咁多位選手去跑道準備