【校園】【純愛】那天來了一位交換生: 第三十六章

幾經辛苦終於過咗一日         
 
返到屋企嘅時候

唔知點解成個人都好無動力

所以我無去練跑

番到屋企





我就直接攤咗係張床到

我完全唔想郁

其實我係咪好無用

連一段關係都維持唔到

因為無完全坦白





我就搞到依家咁

突然之間

有人打電話比我

電話顯示打俾我果個係阿朗

我：喂





阿朗：毛哥 你得唔得閑出一出嚟呀

我：可以嘅 

跟住佢就俾咗個地址我

我跟住個地址行

我去到之後

喺我面前嘅係一間喺商場上面嘅咖啡店

間咖啡店唔係好多客人

所以我入咗去之後好快就搵到佢哋 





全部人都喺晒度

阿朗一望到我就同我揮手

阿朗：嚟咗喇 睇下想飲啲咩 隨便嗌 呢間舖頭係我阿媽開嘅唔使擔心

我：冇所謂啦

阿朗於是就去咗同收銀果度嘅人講

而我就坐低咗

冇幾耐之後





阿朗就攞咗杯mocha比我

我飲咗啖

嘩

真係好好飲

唔係講笑

阿朗：係咪好飲呢 

我：遲D叫你阿媽教我沖咖啡

強哥：你哋兩個唔好轉晒話題先啦





文哥：我哋幫你諗到個方法可能可以幫你氹返Cherry喇

我：係點呀 快啲講啦

我一聽到有方法我真係成個人醒晒

仲勁過啲咖啡

阿朗：我之前同Cherry傾過偈 佢話你應承過佢會坦白一切 但係你瞞住佢 識咗第二個女仔

我：WTF 我邊有同佢做過呢啲約定

阿軒：依家佢話咩就咩啦 你唔係諗住同佢嘈掛





我：咁你哋又有咩辦法

金仔：你之前係咪應承咗佢話會攞一個冠軍俾佢呀

我：哦 咁我知點做啦

阿峰：但係唔係淨係咁簡單

我：即係點呀

阿峰：佢而家其實都好驚

我：佢驚咩 唔係得我驚咋咩

傑仔：屌 你真係弱智架喎

阿朗：佢之前見到你同Chloe一齊 佢驚你只係玩佢 你而家玩厭咗 所以唔要佢

我：痴線 點會係咁

強哥：你冇同佢講過 佢又點知你心入面點諗

阿峰：每個人心入面都會有啲嘢唔敢講出嚟 佢唔係對你無信心 佢係對自己冇信心 佢驚自己無能力留住你呀

我：咁我要點做

阿軒：咪直接同佢講你心入面係點諗囉

我：但係佢而家都唔理我

阿朗：呢層你唔使擔心 我哋會幫你

我：多謝你哋

喺呢個時候又好唔爭氣咁

流咗幾滴馬尿

去到第二日

我同平時一樣咁返學

今日返到學校都係見到Cherry

佢依然係唔理我

我同佢講左聲早晨

不過佢都係唔理我

咁佢唔理我都冇辦法

於是我就返埋位

跟住我就聽到我個肚係度打鼓

唉 

而家無咗每日一個腿蛋治

開始唔係好慣

之後我一直都係到搵一個機會畀自己用佢講嘢

可惜

佢冇一次理過我

我都開始頹

不斷努力但係連小小成功嘅希望都見唔到

真係好容易灰

去到晏晝

傑仔：點呀 你今日同唔同到佢傾番計呀

我：唔得呀 佢真係唔肯理我呀嘛 我可以點

文哥：陣間bafs堂 你哋兩個一齊上嫁嘛

我：希望真係得啦

食完飯返到學校就係bafs堂

入到課室

本來係佢坐嘅位空咗

睇嚟佢未返