【校園】【純愛】那天來了一位交換生: 第三十四章

去到某個星期日
    
因為前一日我哋都練跑練到好夜

所以我今日去到差唔多2點先起身

我望住一個空晒客廳

唉 老豆老母今個禮拜又唔返嚟



係喎

我好似無同大家講過我屋企嘅事

我阿爸阿媽係商人個啲啦

佢兩個成日都要去外國做嘢

有時會留係香港好耐



但係有時幾個月都唔返嚟

只係定期過數俾啲零用錢我

所以其實我同佢哋嘅關係唔算太好

同埋因為佢哋嘅工作關係

呢間屋企基本上同屬於我嘅無咩分別



好啦

返返嚟先

咁屋企無人

然之後我有好肚餓

所以我又去咗食三哥

食食下米線嘅時候

有人突然之間拍我個頭

可怒也



邊條粉腸係我食嘢嘅時候

阻Q住晒

跟住一把聲將我拉返返嚟

xxx：好耐冇見啦喎 豪仔～

WTF

Chloe？！

我：你幾時返嚟架



Chloe：上個禮拜咋嘛 你到而家都係咁中意食三哥喎

我：咁食慣咗吖嘛

點解突然又多咗個女仔呢

咁話說啦

Chloe係我嘅青梅竹馬

我阿爸同佢阿爸係中學同學

仲要係死黨果種

所以我同佢未返幼稚園嘅時候已經成日一齊玩



跟住幼稚園, 小學都係同一間學校

雖然中學唔同學校啦

但係因為果陣時佢住係我屋企對面

所以我同佢一直都好frd

你哋可能會問

通常青梅竹馬唔係一般會走上白頭到老嘅結局架咩

咁可能我同佢特別啲啩



我以前仲試過幫佢追男仔

認真呀

我真係冇鍾意過佢

我同佢嘅關係可以話係

兄弟？

差唔多啦

不過佢係我中三個年

佢好似因為屋企嘅事所以去咗澳洲果邊生活

而家先返嚟

而其間我哋都冇咩點聯絡

然之後我同佢都係到傾番以前嘅事

原來佢而家都搬咗嚟呢一邊

過咗唔知幾耐

終於都食完

Chloe就建議周圍行下

我都無咩所謂

反正無咩做

我同佢行咗好多地方

亦都傾左好多野

佢去咗澳洲之後嘅事啦

我呢兩年發生咗咩事啦

當然

我梗係有話俾佢知拍緊拖啦

Chloe：wow 大個仔喇喎 以前成日都話無鐘意嘅女仔 我仲以為你係gay添

我：咁以前真係無個睇得上眼呀嘛

Chloe：有冇相呀

我攞咗之前平安夜張相比佢睇

Chloe：嘩 又真係幾靚喎 如來你咁眼角高嘅

我：超 我眼角高我就唔會同你條八婆 做frd啦

Chloe：你去死啦 以前我幫咗你咁多 你而家講啲咁嘅嘢

嘿嘿

終於返番去以前嘅感覺喇

之後一直咁行啦

突然之間

係我哋面前出現咗個女仔

我唔係好識解讀佢面上面嘅表情

佢怒啤住我

同時係到流眼淚

但係嗰陣時我個腦淨係彈咗一個訊息俾我

今鋪真係食屎都唔掂