【校園】【純愛】那天來了一位交換生: 第二十六章

我同Cherry之後一齊去咗食飯

食完之後 我哋兩個就走咗去行街

更正 係行時裝店

但係女朋友叫到 

我諗唔到有咩理由去拒絕



Cherry帶咗我去好多唔同嘅舖頭

佢試咗好多衫 每件都會行過嚟問我攞意見

但係我之前都講過啦

佢真係著咩都靚

Cherry：你認真D啦 每件都話靚



我：我講真架 咁我女朋友真係著咩都靚呀嘛 咁我可以點啫

Cherry：口花花

我：淨係對你一個啫

Cherry無講嘢 但係佢笑得好甜

Cherry：不如去食甜品啦



我：你叫到 一定得嘅
   
Cherry：咁快D行啦

講完佢就拖住我隻手拉我出去

我加快腳步追上佢 然之後我郁一郁隻手

同佢十指緊扣

佢感覺到之後望住我

我哋兩個就係咁係度對望咗一分鐘

跟住我哋兩個都係度笑



我今次終於可以好好享受啦

女仔隻手真係好柔軟同滑

而且同一個你最愛嘅人十指緊扣咁一齊行

真係好幸福

有D嘢唔駛下下講出口 對方都會明白

呢啲係咪傳說中嘅心靈相通

真係好幸福



我同佢去咗之前個間甜品店

我哋同樣叫咗芝麻糊同西米露

佢畢咗一羹芝麻糊比我 

嘩 真係好甜

Cherry：我餵完你 你唔餵返我嘅

JESUS

我竟然連呢樣都無做

咁我梗係即刻餵佢啦



Cherry：叫你先做嘅

我：下次我自動自覺啦 唔好嬲啦

Cherry：講下笑咋  我邊會咁小器呀 好小事姐

我：你真係無嬲？

Cherry：冇呀 傻仔

食完甜品 我就送佢返屋企

沿途上我哋都一直十指緊扣咁並肩而行



去到佢屋企樓下

我：好喇 夜喇 你快啲返上去沖涼訓覺啦

Cherry：你都係呀  

我：知喇

Cherry：係喎 你平安夜得唔得閒呀 

我：我ok呀

Cherry：咁不如我哋一齊出嚟行街吖

我：可以啊 就咁話啦

Cherry：咁我約實你架啦 我返上去先啦

講完佢就轉身行入去佢屋企嘅大堂

突然佢轉身走過嚟

我：做咩.....

我都未講完佢就錫咗落我個嘴唇到

可能因為我未試過同人錫過

我覺得個咀有少少濕

Cherry個嘴唇好軟 好甜 

嗰種感覺真係好奇妙

唔知過咗幾耐

我哋先慢慢移開

係街燈嘅照耀之下

我見到Cherry塊面好紅

真係好可愛

Cherry：做咩眼金金咁望住人哋喎

我無答佢

我直接攬住佢

Cherry見我突然之間攬住佢都嚇一嚇

但係佢冇推開我 反而雙手緊緊咁放係我條腰到 攬住我

我喺佢耳邊好細聲咁講

我：我愛你呀

Cherry：我都係呀

過咗一陣之後 我哋先放手

Cherry：你返到去要打比我呀 知唔知呀

我：知喇 快啲返上去啦

我喺街度望住佢入lip 我先轉身走

返到屋企

我即刻打比Cherry

我：我返到喇

Cherry：好啦 你要早D訓呀 聽日放假都唔可以咁夜訓呀知唔知呀

我：知喇知喇 你都早D訓啦 

Cherry：嗯嗯 早唞喇

講完電話我就去沖涼

沖沖下涼嘅時候

我喺度諗 

頭先果個其實係我嘅初吻

不過佢應該同我一樣

果種感覺我會記一世

我用手指摸一摸個嘴唇

然後微微咁笑

我同我自己講：我呢世都唔會俾你離開我








我當時真係咁諗