【校園】【純愛】那天來了一位交換生: 第十九章

 我同Cherry一齊搭地鐵
 
Cherry：你知唔知你頭先真係唱得好好聽呀   
     
 我：我都話我係xx周仔架啦 你又唔信

 Cherry：好啦好啦 我信喇 得未呀
    
 我：咁就差唔多啦





 返到屋企之後

 我真係覺得我好似發緊夢咁

 突然

 我收到個whatsapp短訊

 xx：話咗你一定入到架啦





 我：咁其實都係多得你幫手姐 唔係你 我估我依家都係唔識唱歌

 xx：唔好咁講 話說你幾時決賽

 我：12月20號

 xx：咁你休息一兩日之後 就要繼續啦

 我：梗係啦 話晒呢個係一個影響我一生嘅計劃嚟架





 xx：我信你實得嘅 但係你揀咗邊首歌

 我：咪之前我同你講個首囉

 xx：咁你真係要練多啲喇 呢首歌有少少難度架

 我：有你係度幫我練歌 一定掂啦

 xx：我唔係幫倒你好多架咋 有好多都係靠你自己

 我：知喇

 其實真係有少少淆底

 始終我第一次做呢啲嘢





仲要打算喺幾百人面前咁做

 心理壓力都真係幾大

 但係我除咗踢波之外都好似未試過 咁想做好一件事 

 希望無咩差錯啦

 我個晚仲喺度因為自己入到決賽未平復到心情 所以我好夜先訓得著

 去到第二日

 我差唔多10點先起身





 唉 

 遲晒到

 原先諗住詐扮睇醫生就算

 但係我唔知點解好想見佢

所以都係返咗

 一入到課室

 成班即係係到「歌神」「歌神」咁叫我

 Miss Chou：好喇 歌神你快啲返埋位聽書啦





 果陣時上緊中文堂所以Miss Chou都係到

 我：Miss Chou你唔好陪佢哋癲啦

 返埋位之後 Cherry就即刻拍我膊頭

 Cherry：做咩咁遲先返呀 

 我：冇呀 尋晚好夜先訓 所以唔知醒

 Cherry：下 仲以為你病咗 枉我仲敢擔心你

 我：唔好嬲我啦 Cherry姐 你又靚女又好人 原諒我啦





 Cherry：想我原諒你嘅話 陣間請我飲嘢

 我：朱古力？

 Cherry：算你知我心啦

 我之前好似無提過

 其實Cherry係好鐘意飲朱古力

 差唔多日日都要飲咁滯

 總之係朱古力嘅製品佢就鍾意

 Cherry：係喎 你食咗早餐未呀

 我：未呀

 Cherry攞咗件三文治比我：攞去食啦

 我：唔使啦 而家食咗陣間唔洗食晏都似

 Cherry：唔得呀 起碼都要食一個呀

 咁我費事辣㷫佢啦

 食咪食

 但係我去到晏晝咩都食唔落 淨係飲咗一杯檸茶就算

 差唔多放學嘅時候

 學校開咪叫所有入咗決賽嘅人去禮堂

 其實冇乜嘢都係講下當日嘅安排同埋出場嘅次序

 講晒所有嘢之後

 都差唔多5點

 我諗住返課室執嘢走人

 點知Cherry仲未走

 Cherry：返來啦 頭先俾人叫咗去做咩

 我：冇呀 都係講係決賽個日d安排咋嘛 你仲未走嘅

 Cherry：冇呀等埋你一齊走呀嘛

 我：咁行啦 我得架啦 

 返緊去嘅時候

 我硬係覺得Cherry個樣有少少怪咁

 我：你唔舒服？

 Cherry：唔係呀 做咩咁問

 我：我見到你個樣有少少怪姐 無事就得啦

 Cherry：係喎 你有冇鍾意嘅人呀

 我：都算有嘅 做咩咁問

 唔通我直接同佢講咪你囉咁咩

 好尷尬架嘛 

 如果佢對我只係朋友 咁咪大劑

不過佢咁問我 搞到我都有啲興趣

 我：你呢

 Cherry：有....有啊

 我：果個男仔真係好 唔知邊個咁有艷福呢

 Cherry：唔話你知喎

 我：講啦 我識唔識架 我可以幫下你喎

 講真我聽到佢有鍾意嘅人嘅時候 真係有啲唔開心

 個心銀住銀住咁

 Cherry：多事喇你 八卦仔

 送完佢返屋企之後

 我即刻打開whatsapp

 我：個計劃有少少變

 xx：發生咗咩事

 我將頭先嘅事講番俾佢知

 xx：拿 你照唱歌先 之後嘅嘢我再幫你睇下

 我：Ok

 其實Cherry真係幾靚女

 平時佢都算受男仔歡迎

 況且佢人又靚 對其他人又nice

 有鐘意嘅人都好正常吖

 不過算啦 照按計劃行事先啦

 其它嘅嘢之後再算啦