【校園】【純愛】那天來了一位交換生: 第十七章

 話咁快 就去到10月未
   
 有一日班會主席係班主任堂上面問我哋

 班會主席：大家 嚟緊12月就係singcon喇 咁你哋如果想報名表演嘅話就同我講啦 最遲下個禮拜就會截止

 跟住我哋班就即刻係度討論 

 互相問大家會表演咩





 文哥：毛哥 你今年參唔參加呀

 我：我估我應該會參加solo掛

 文哥：wow 平時成日話自己唔識唱歌 咪又係會上台 係咪想氹女呀

 我：諗多咗啦

 我原本真係諗住上去玩下





 但係比文哥咁講一講

 我就開始計劃D嘢

 不知不覺已經中五喇

 下一年就要面對文憑試

 無得再係咁日日玩





 人大咗就係咁

 成日都係到感嘆世事

 唉 又離題

 跟住落嚟呢個禮拜我都冇乜點玩

 為咗我個計劃可以順利完成

 我每日放學都即刻返屋企

 有日放學

 我諗住即刻返屋企





 文哥：毛哥 你而家又即刻返屋企呀？

 我：係呀 有嘢做呀

 文哥：話說你呢排攪咩呀 好耐冇同你踢波啦 

 我：我準備緊一個驚喜

 文哥聽到之後即刻對住我陰陰咀笑

 文哥：嘩 咁我買定花生等睇你場戲喇

 我：咪癲啦 其實唔係好大件事咋嘛





 文哥：咁都唔叫大件事 睇嚟我真係入世未深


 係呢個時候 Cherry行過嚟

 Cherry：阿豪 你而家係咪返屋企呀

 我：唔係呀 我仲有嘢做 你今日都係自己返去先啦 sorry呀

 Cherry扁一扁嘴之後話好啦 跟住就走咗

 我之後就去咗D班搵一個人之後再一齊走

 好快就到11月4日





 點解我會特別講呢一日

 我之前報咗singcon

 而今日就係初賽選拔

 如果我入到圍嘅話

 就會直接入決賽

 決賽會係聖誕聯歡會果日舉行

 而初賽就係今日放學之後開始

 我呢一兩日為咗養好把聲





 講起都好笑

 由於我想養聲 所以嗰幾日都好少講嘢

 通常都係一句起兩句止

 Cherry朝早請我食三文治 我都係一句多謝就算

 跟住佢問文哥我係咪嬲咗佢

 搞到文哥係咁鬧我

 然之後學校d老師以為我發生咗咩事

 仲叫咗社工黎幫我

 無辦法啦

 因為我今次攞冠軍嗰個一定要係我

 為咗今次呢一個計劃

 我花咗好多時間

 所以我不容有失

 跟住果日lunchtime我同班兄弟一齊食

 金仔：毛哥近排成日唔講嘢真係唔係好慣

 文哥：咁人哋計劃咗啲嘢呀嘛

 阿軒：咁快諗住表白

 傑仔：鍾意人又唔認 最後咪又係表白

 阿峰：但係點解要初賽表白 正常唔係決賽㗎咩

 強哥：你哋又唔係唔知毛哥咩人嫁啦 xx（我學校名）暗黑周仔喎

 話說點解我會無啦啦多咗個名

 係因為我係全級公認最忠實嘅周國賢fans 

 同埋我最鍾意唱佢D歌

 至於點解會有暗黑呢個字 我就唔多解釋啦

 我無理佢哋講嘅嘢

 我：唔好理咁多 總之陣間初賽 你哋要見人

 文哥：你放心 兄弟嘅大事 我哋一定到齊 你提主角記住過嚟啦

 終於到咗放學

 因為solo嘅選拔係5點先開始

 所以打鐘之後我無即刻走

 諗住hea多陣先

 Cherry：阿豪 你陣間係咪初賽呀

 我：係呀

 Cherry：咁我可唔可以來睇你比賽呀

 我：緊係得啦 我就比你睇下xx周仔有幾勁啦 你準備幫隻耳仔排期分娩啦

 Cherry：乜嘢分娩呀

 我：咁你隻耳仔懷孕咗咪要分娩囉

 Cherry：唔好笑嘅

 我：唉 唔好笑就算啦 枉我諗咗咁耐

 Cherry：哈哈哈哈 點解你咁幽默嘅

 我：咁間硬

 Cherry：你唔想要咪算囉

 我：唔係呀唔係呀 多謝你呀

 Cherry：白痴仔

 吹多一陣水之後 我就開始執書包準備去禮堂

 去到禮堂之後 原來初賽都有唔少人留意

 仆街 有啲淆底添

 跟住見到阿軒佢哋走埋嚟

 阿軒：毛哥陣間睇你表演啦

 等多大概半個鐘之後

 音樂老師 Miss Fung 就話而家開始solo嘅選拔

 由於選拔係由低年級去到高年級咁排

 即係代表我仲有小小時間

 但係不得不說

 班低年級又唱得幾好聽喎

 過多一陣之後

 Miss Fung：5B班陳子豪 下一個到你 而家去後台準備先

 終於到我喇