【校園】【純愛】那天來了一位交換生: 第十一章

咁好快就到咗10月份 
     
話說我哋學校有個傳統就係會係10月搞個班際足球賽 

我都唔知點解會有啲咁嘅傳統      

我應該講過我哋一組7個兄弟全部都係足球隊 
       
咁我哋就緊係全員參加啦 





不過可惜嘅係我哋唔同班冇得一齊大殺四方 
 
同埋有一樣嘢 我哋唔同班 即係我哋住定要兄弟之間互相廝殺 

唉 無辦法 

為咗我哋班 

兄弟 





唔好怪我唔留情

咁我哋幾兄弟裡面 

我同文哥係B班 

金仔, 阿軒同強哥係C班 

而阿峰同傑仔就係D班 





經過抽籤之後 

由於呢個比賽係分高年級組同低年級組 

咁仲好冇咁煩 

比賽分別會係lunchtime同放學後打 

成個比賽由16強打到去決賽 

我哋3班頭兩輪都好輕鬆贏晒 

話晒都係足球隊主力點都可以carry下嘅 

去到4強抽籤 





我哋班會對一班中六 

但係唔會難打因為果班裡面得兩個校隊主力重要唔算特別勁 

但係咁就代表另一組4強會係5C對5D

 唉 始終都係要兄弟內訌 

先講一講 

我哋呢個比賽係6人賽 一場打40分鐘 分上下半場中間有5分鐘休息 

我哋班打先 





係我同文哥嘅帶領之下 

我哋班輕輕鬆鬆入決賽

咁我哋就緊係去睇下佢哋表現成點啦 

放學嘅時候 

Cherry：你係咪會去睇比賽呀 

我：梗係啦 下場嘅對手喎 點都要睇吓嘅

Cherry：咁一齊啦

我：嘩 大佬 我靚仔姐 都唔洗成日痴住我掛





Cherry：自戀 我得鬼閒黐住你呀 我睇我個朋友咋嘛 

我：佢讀呢間學校架咩 

Cherry：唔係呀 佢同我一樣都係交換生嚟架  

跟住我見未開波就梗係落去同佢哋吹下水啦 

金仔：死啦 今場又贏點算好呢

傑仔：我哋有阿朗係度你哋都幾難贏

我：邊撚個阿朗呀 





傑仔：佢係其中一個交換生嚟架 之前我話幾好傾果個人咪佢囉  

係呀 我哋呢個班際比賽係容許交換生參加 

傑仔：睇下就講就到 

佢指住個男仔 

個男仔...... 

咪係Cherry男朋友囉

阿朗：hello 大家好 我叫阿朗呀 陣間錫住細路呀 我唔係好叻架咋 

傑仔：嘩 屌你講啲咁嘅嘢 我地都係靠你先打到上黎咋 係喎 呢嗰就係我之前講果個毛哥 

我：Hi  

阿朗：Hi 聽講你想知道Cherry有冇男朋友喎

我心諗嗰個咪你囉

咁當然我冇講出聲啦 

我：叫做有小小興趣啦 

阿朗：你放心 我可以好肯定咁同你講 Cherry一直以黎都係單身 

我：吓 你唔係佢男朋友咩  

我將果晚見到既野同佢講 

阿朗：哈哈 其實呢 我同佢係青梅竹馬 由細玩到大架喇 果日只係咁啱撞到咪吹下水咁囉 

我：唔係喎 我見你仲摸佢個頭 跟住佢笑得好開心架 

阿朗：佢不嬲都好鍾意人摸佢個頭㗎 算係佢一個比較奇怪嘅喜好 不過當然係佢身邊嘅人先可以咁做啦 

我：原來係咁 哈哈 

文哥突然繞住我條頸 

文哥：咁毛哥你而家唔撚使驚可以去馬啦 

阿朗：原來你鍾意Cherry咩 我可以幫下你喎

我：你咪聽佢地亂噏啦

跟住佢哋就差唔多開波走左過去熱身 

而我同文哥就上咗看台睇波 

上到去Cherry就同我地揮手 

Cherry：你地頭先同阿朗傾咩呀 

我：冇呀 咪講下你壞話囉 

Cherry：哼 知你冇咁好架喇

我：講下笑姐 唔好嬲啦Cherry姐 

係吹緊水嘅時候 

「咇」

 雞聲一響 

班際足球賽4強

5C對5D 

正式開始