【校園】【純愛】那天來了一位交換生: 第三章

咁我哋就平平常常咁上咗頭三堂啦
   
之後就放小息

咁我見冇乜嘢做咁就梗係繼續訓下覺啦

鬼叫學校張枱咁舒服咩

訓訓下 有人叫醒我



係Cherry

佢攞咗包嘢比我

Cherry：拿 三文治呀 當補償番你個早餐啦

我：估唔到你真係會買喎 其實我都係講下姐

Cherry：梗係唔得啦 唔食嘢點會有精神呀 你睇下 無食早餐咋 你就已經係咁係度訓啦



其實我成日都係咁訓 不過我冇講出聲

淨係同佢講咗聲多謝 

佢買咗個腿蛋治比我

咁小食部D質素都係咁上下架啦

唔係好食又唔係難食咁囉



跟住Cherry就過嚟

Cherry：點呀好唔好食呀

我：還好啦 正正常常咁囉 

Cherry：乜真係咁唔掂咩 我聽到D人話小食部D嘢食麻麻 原來真係

我：都慣架喇 我冇乜所謂

Cherry：係喎 乜你唔會係屋企食早餐架咩

我：我老豆老母唔係成日係屋企 我又懶呀嘛 咁所以咪返學嘅時候順便買埋囉 

Cherry：哦 但係點解你早餐會係食菠蘿油嘅 好肥喎 



我：乜你覺得我會怕肥架咩

Cherry：好羨慕呀 點解你哋男仔會食極唔肥架

我：咁點解你哋女仔咁易肥架

Cherry：哼 唔理你呀

我：唔好嬲啦 我唔啱啦 對唔住大佬

其實講真我都唔知點解我果陣時會道歉 

佢又唔係我邊個 



Cherry：哈哈 玩下咋 你估本小姐真係咁易嬲咩

我：屌你啦 扮晒嘢咁 

Cherry：你吹咩

跟住兩堂Bafs 

佢讀history, Bafs同Phy 

所以我同佢會有兩科elective同會一齊上

而Bafs堂嘅時候 佢就坐我隔離

Cherry：原來我哋撞兩科選修科架喎



我：乜咁啱呀 哈哈

其實我嗰時都唔知應該俾D咩反應佢好 所以求其答住先

跟住就上堂啦

認真講句其實我對Bafs真係無咩興趣 

只係中三嗰年 諗唔到揀咩科 

跟住又見Bafs D成績唔錯 咪試下囉

跟住就奶晒屎



而家我上堂都係盡下力唔好炒就心滿意足

不過個老師真係有D料到 

竟然可以keep同一個聲線 講成堂書

仲要係double lesson

我最後頂唔順發下吽哣 訓下覺咁

突然之間

有條友係咁用支嘢篤我

Cherry : 上堂又係到發夢 跟住又要我借筆記俾你抄 

冇錯係又 

因為我頭三堂都係同周公作下棋咁

咁我隔離嗰個文哥都係到同周公捉棋 不過佢勁D 兩個勢均力敵

我輸得快 所以起身先

跟住我又好厚面皮咁問隔離個行嘅Cherry借筆記抄

真係唔係幾好意思 哈哈

我 : 唔該丫唔好咁小器啦 你又靚又叻又大量 我知你唔會介意嘅

Cherry : 你講到咁我就唔介意啦

我 : 咪又係死要面

Cherry : 係架 鬼叫你有求於我 咁叻你咪抄第二個囉

我 : 咁又唔好


不過講開又講

Cherry手字真係幾靚

之後我抄第二啲人嗰陣 嘩我頂你個肺我真係睇唔明

問一句就抄一句

咁樣我不如自己做好過

咁好衰唔衰 我懶呀嘛

睇Cherry份野好好多

起碼一睇就知佢寫乜

我 : 你D字又真係幾撚靚嘅 呢個算係你唯一優點

Cherry : 我仲有好多優點係你未知啫

我：又靚又叻又大量丫嘛 啱啱先讚完你

Cherry : 雖然明知你唔係真心 不過都多謝喎