那一天，有女仔嚟咗男校讀書: 第二季:第二章:悲情(第三節)

「吓?小倩冇同我講喎?」我覺得驚訝
「佢做乜要同你講，你又唔係佢條仔。」
我差啲唔記得中子係唔知我同小倩嘅關係。
「咁又係。咁你哋幾時出發?」
「大約下個月中。你會唔會嚟送機?」
「一定嚟!」
「好，咁我哋盡情玩埋呢個月!」
「一言為定!」
我宜家內心好亂，喺短時間內接受唔到大量壞消息。
雖然我替中子可以出國讀書而高興，但同時害怕中子會藉著呢次機會向小倩表白，而且佢又唔知我同小倩拍緊拖，情況真係好矛盾。




我收線之後立即跑返屋企，用綿被包住自己，等自己冷靜落嚟。
我好迷惘，唔知點做，我唔想因為小倩而失去一段友誼，但同時又唔想失去小倩。我諗咗好耐，我忍住淚水打電話俾小倩。
「小倩，點解你唔同我講中子會同你一齊去英國?」我單刀直入
「因為...我驚你唔開心...」
「唔使驚喎，我咁大方，點會唔開心?」
我開始哽咽，但我盡力掩飾
「咁就好喇!」小倩由心情低落變返正常
「咁唔講住喇，拜拜!」
我驚俾小倩發現我喊緊，所以即刻收線。
我唔開心唔係因為驚中子搶走小倩，而係因為我覺得隱瞞一個好朋友係一件痛苦嘅事...





(待續...)