今天是愚人節，她跟我開了一個玩笑。: 54

光圈裡的回憶畫面清晰可見，猶如置身其中。

「我個心願未了，我唔走。」我對神說。

「嗯？」

「啱啱你都講咗，係佢自己嚟，唔係你帶佢嚟。所以你最少滿足埋我呢個心願先走。」

「唔⋯⋯好，很好。咁你仲有咩心願未了？」





「我想佢唔死。」

「咁唔得。」

「萬物皆有規。」

「誰訂的規？」我堅定地看著他。

他猶豫了一會兒，搖搖頭。





「你唔理解。」

「咁好，我要一個你永遠都滿足唔到嘅願望。」

他慢慢變成了沉思者的大理石雕像，俯首而坐，右肘架在左膝，下巴擱在右手手背上，低頭沉思了好一會兒。

我看到他這樣的樣子，就算心裡很焦急，也只有默默地等待。

「哈哈哈！！！」雕像變成了黃色的食鬼，嘴巴不停在開合。





「你贏了。」它用食鬼的機器聲說。

我眨一眨眼，自己變成了食鬼遊戲裡的幽靈，跟它游走在一個迷宮裡。

「我同你玩一個遊戲。」它說。

我一時之間作出不了反應，只是覺得這一切適應不了過來，任由「身體」飄動著。

「本來，完成人生前嘅願望後，穿過光圈，經過七日嘅審判，然後回到人間一晚訣別，轉而展開新的旅程，而家我就掉返轉，讓你先返人間，經過七日嘅審判，再決定佢嘅命運。」

「而呢個遊戲都好簡單，只要佢七日之內可以向你真誠咁講出『我愛你』，你就可以通過審判。但為咗公平，當中有幾個條件。
第一， 佢會失去前世所有關於你的記憶，佢唔會知道邊個係楊薇。
第二， 佢要親口講出『我愛你』，而唔係單純嘅鍾意。
第三， 你唔可以主動講出你對佢嘅愛意，或提及一切前世嘅事。
最後，我會保留一切權利，必要時會作出干擾。」





食鬼一步一步走過來，把我吃掉。