今天是愚人節，她跟我開了一個玩笑。: 52

「噠！」一聲響指，雙眼似是失去了知覺，只感到一陣熱盪，淚水一直下流。

我艱難地打開雙眼，神托著腮，坐在地上。

「啱啱係⋯⋯！？」我的聲音很抖震。

「嗰個女仔嘅記憶～」神微笑。

心臟裡傳來一陣的痛，就像有一塊不規則的石塊在𥚃面，往沒有盡頭的終點翻滾，我用力地呼吸著，仍然感到很難受。





「咁佢呢？」我從來沒有這樣用力，只為吐出這兩個字。

「佢已經完成咗願望，穿過咗光圈。」

「係咩願望？」

「呢個，你無必要知，總之你個願望都完成咗，請安心上路。」神徐徐地拋下一句話，然後揮一揮衣袖，眼前出現一個光圈。

我無奈地看著他，一臉恍惚。





「我唔走，起碼俾我知道佢許咗咩願，同埋之後發生嘅事。」

他卻只是靜靜地看著我，那眼神像是憐憫一條狗。

「求下你。」我以跪著的姿勢走過去。

他嘆了一口氣，深思了一下說：「我最多只可以講，嗰個係一個好奇怪嘅願望。」

「嗯？」





「一個奇怪到我滿足唔到嘅願望。」

「咩意思！？」

「本來，正常嘅規則係，完成人生前嘅願望後，穿過光圈，經過七日嘅審判，然後回到人間一晚訣別，轉而展開新的旅程。」

「七日？審判？人間？頭七？」

「嗯⋯⋯你大概可以咁理解。」

「咁關佢個願望咩事？」

「但因為佢個願望有啲特別，令到一啲規則打破咗，所以只好破例改用另一種形式嘅審判。」

「另一種形式？姐係？」





「姐係先到人間，然後再做審判。」

「而嗰七天嘅東京之旅，就係對佢嘅審判。」