今天是愚人節，她跟我開了一個玩笑。: 49

眼前的是一片白光，我揉揉眼晴。

「呢度係⋯⋯」

「嗨～」

「嘩，屌你，嚇死人咩？」

一睜開眼，耶穌竟然在我眼前，冷冷的盯著我。





我好奇地看看四周。

噢，原來這裡就是死去的世界麼？

「嗯，如果以你哋人類嘅語言嚟講，呢度係係樂土、係理想國。」

「樂土⋯⋯理想國。咁講法，你即係唔係耶穌？」我揚起眉頭問。

「唔係。」





「噗哧！！」我捂住嘴巴，卻忍不著笑了出來。

「嗯！？有咩好笑？」

「Fuck off～Jesus Christ. 我都話呢條友係假㗎啦。」我搖搖頭，撐起身來，經過了他。

「你唔想知我係邊個咩？」

「就算我講唔想知，你都會講㗎啦。反正你識讀心，你知我想知。」





「哈，好。我係絕對、係真理、係一切，係神。」

「Oh my God!!」耶蘇變成了Beyoncé的樣子。

「原來你心目中嘅神係咁嘅樣。」

「Nice to meet you.」我激動地向她伸出了手。

「都捉唔到嘅。」我撇著嘴。

「另外，我有一樣嘢要話你知。你⋯⋯」她說。

「我已經死咗。」我笑著補充。

對，因為我記得很清楚。





在3月31號晚，4月1號的凌晨。

我，楊薇在中文大學的蒙民偉樓跳下去自殺了。

從那個地獄，全然地離開了。