今天是愚人節，她跟我開了一個玩笑。: 47

「佢哋唔會停㗎，喺私慾滿足之前，都唔會走。」

「喺佢眼中，你只係一個佢茶餘飯後嘅『娛樂』。」

「都係由佢喇，講返你自己。」

「你頭先話，『明明喺東京』，但我好好奇。你點知道你而家係喺東京？我意思係，你講過你去過東京嘅一啲地方，但，呢度真係喺東京咩？你唔覺得，嚟到東京嘅中心地段，睇唔到東京鐵塔係一件好奇怪嘅事咩？」

我想了一想，想起了昨晚從浴室外看出去的那片景象。





那一座東京鐵塔，本來是沒有的。

原來並不是因為心境的改變，而是⋯⋯

「係，嗰個喺我嚟。」

我的心沉了一沉，開始質疑自己的存在。

「而且，你唔覺得呢幾日發生嘅一切一切都太過巧合喇咩？」





「由天台開始，所有嘢都恰到好處，嗰個女仔咁啱喺你打算跳落去嘅時候出現，然後分開、重遇、有第三者出現。」

「一年一度嘅隅田川花火大會明明喺七月，點解咁啱係嗰日又會有得睇？」

「仲有，你唔覺除咗你哋之外，成個世界好似無人出現咁。」

我開始回想著這一切。

不對，明明酒店的前台職員、居酒屋老闆、楊薇男朋友，他們⋯⋯⋯





「佢哋都係我嚟，我鍾意做戲。」他突然分身成三個人，圍著我。

「明明望出去嘅風景已經唔同，偏偏就喺度自欺欺人，以為認知嘅一切都係理所當然，一切正常。」

「你係唔得覺奇怪，定係唔想去考思呢一切？」

「啱啱嗰一句話，明明啲字嘅順序錯咗，你都唔會覺得有問題。」

「因為你心裡好清楚知道，比起去質疑不合理嘅認知、改變不適當嘅行為，順其自然更加舒服。」

對嗎？