禁忌之戀: 六.

鄧Sir走左之後
過左冇耐我就訓著左
訓訓下就聽到
「凱欣，起身啦，我地翻屋企啦」
我好唔情願咁醒左
擘大眼之後就見到鄧Sir企係我面前
佢見到我起身之後 好溫柔咁講
「翻屋企再訓啦，好嗎」
「嗯好」
我見到鄧Sir已經孭住我個書包




亦都執好佢自己既嘢
所以我就同佢一齊離開學校

由離開學校開始
鄧Sir一隻手幫我拎住書包同佢自己既嘢
另一隻手就搭住我膊頭
到行左一陣之後
佢就拖住我行
當佢拖落黎個下
我望住佢 佢亦都望住我




而周圍既途人都用好奇既眼神望住我
因為有d尷尬 所以我就話
「Err...不如唔好拖手？個個都望住我地」
「有咩所謂姐，唔好理咁多，行啦」
如是者 我地就一路拖住手行到翻屋企

翻到屋企之後
鄧Sir就開始準備晚餐
我唔好意思麻煩佢咁多
就諗住去廚房睇下有d咩可以幫手




「我幫你手呀」
「唔洗啦，你出去等食就得架啦」
「黎啦，我幫你啦」
「咁好啦。係呢，你屋企仲有冇糖呀？呢包用曬啦」
「你等我一陣呀，我搵下先」
我記得我之前有買定多幾包放係廚房d櫃度
但係因為櫃比較高
所以我就拮高腳黎搵
搵到之後就伸長隻手攞
點知都係攞唔到

突然有隻手伸入櫃
我就即刻擰轉身
鄧Sir左手就放係櫃度
之後就形成左好似壁咚既動作




我愕高頭望住佢
佢亦都低頭望住我
我即刻怕羞 面紅
想逃離廚房
「我出翻去先啦，你慢慢煮啦」
之後就想係佢既右手邊逃走
點知佢即刻舉起埋右手
之後講「做咩呀，怕羞？」
「唔係呀，我有d攰想休息一下咋嘛」
「好啊，咁我抱你出去休息啦」
講完之後佢就將我抬係佢膊頭
出去廳到放我係沙發
再叫我睇電視等食飯
-
呢幾日唔記得打文




所以都冇乜點出
唔好意思呀😂