禁忌之戀: 二.

食完飯之後鄧Sir就主動去左洗碗
而我就去左沖涼
沖完涼之後就係沙發上面睇下手機咁
睇到ViuTV有套講鬼既節目好似唔錯
就問埋鄧Sir睇唔睇
「我見到有套鬼節目幾好睇咁wo，一唔一齊睇呀鄧Sir」
「都叫左你唔好叫我鄧Sir咯，叫我一滔啦，唔好咁生外。如果你有興趣就睇啦，我陪你。」
其實我本身係好怕鬼呢類野
但係見身邊d人都話唔錯咁 所以就好想睇下
咁啱鄧Sir係度又可以壯下膽





估唔到個節目第一集就好恐怖
氣氛完全可以嚇到我
我縮埋一舊 用手遮住小小眼
好奇想睇節目 但又唔夠膽
鄧Sir見到我咁 就放左隻手上我膊頭
搭住我膊頭比d安全感我
嗰一刻我覺得 其實有個人咁樣陪下我都唔錯
睇到一半 我已經唔夠膽繼續睇落去
就同鄧Sir講「我唔想睇啦，好驚呀」




「好啦，咁一係訓覺？都差唔多11:00啦，天日仲要翻學」
「我都有小小眼訓啦」
「咁你洗唔洗我係度陪你訓呀？」
「唔洗啦，你又冇衫係度，你翻去啦，有咩事我wts你」
「咁好啦，我走啦。」
我送佢出門口既時候，佢攬實左我
「放心，我會一直陪住你」
講完之後摸左下我個頭就微笑住咁走左了

鄧Sir走左之後我就入房準備訓覺




點知係床上面完全訓唔著
一直係度諗緊今日同鄧Sir相處既情景
抱我翻屋企
煮飯比我食
搭住我膊頭
攬住我
諗到呢度 我打開手機wts
望住同鄧Sir既對話框 見到佢由在線上 變到最後上線時間
又轉翻在線上 都係冇sd到「多謝你今日陪我」比佢
最後我放棄sd wts比佢
上左IG睇下
睇睇下見到一個po寫住：
喜歡一個人的表現
1.不停地想著他
2.回想跟他的點點滴滴




3.想發信息給他但卻怕打擾到他
睇到呢到 我係度諗
唔通我鍾意左鄧Sir？
我地年紀差咁遠
而且佢又係老師
老師好似唔可以同學生拍拖架嘛？
死啦死啦 我應該唔會鍾意佢既
諗諗下 不知不覺就訓著左了
-
下一集如無意外係鄧Sir既視覺
有咩想講可以留言交流下！
其實唔知自己寫得好唔好
好多位都唔識表達
但就係好想試下寫自己想寫既野
希望之後會得心應手d




（不停期更新）