《樓上裝修咗成個暑假》: 十七
「我唔知自己做咗啲咩令你咁憎我...」
「但我唔想咁樣...」
「你嬲完嘅搵返我好嗎？」
這段時間，小蔚都會間中Whatsapp我，但我仍然沒有回覆她。
直到放榜後，我得悉自己有足夠的分數入讀英國那邊的音樂學院。
「如果你都係選擇唔原諒我」
「唔緊要 但都話聲俾我知你幾時飛」
「等我送你機...」
還有意義嗎...
不過。
「八月二號朝早九點機」
還是告訴小蔚吧。
怎麼說也好，小蔚也是我最親密的人。
曾經，最親密的人。
前往機場途中，想起很多事。
其實全部都是與小蔚有關的事。
不知道為什麼，仍然很掛念她，即使小蔚早已有別人愛著。
可能是自己太過懦弱吧。
又或許只是想逃避現實。
我戴上耳機，緊握手裡的四方盒子，深深地閉上眼感受這趟旅程。
「........................」
機場一號客運大樓。
「仲有十分鐘就要入閘。」
「小蔚應該都唔會嚟。」
正當我拿出證件轉身時，小蔚的聲音在背後傳來。
「招仔！等陣呀....！」
小蔚...真的來了。
我慢慢別過臉，看著孤身一人的小蔚。
「..........」
「我知你就快要入閘..」
「我有樣嘢想俾你。」說罷小蔚便把一個啡色紙袋遞給我。
「咩嚟...」
「唔好拎出嚟住...！」
小蔚躊躇不安地抓緊我雙手，然後抬頭認真的注視著我。
「我知道，呢一刻嘅你，想追求嘅係音樂，係自己嘅興趣....所以我唔會講啲咩去阻止你...」
「但...！我只希望當你追求到自己想要嘅目標之後，可以打開紙袋裡面嘅嘢。」
「應承我。」小蔚滿臉誠懇的說。
「就係咁...？」我有點意外。
「嗯！就係咁。」小蔚眼神十分堅定。
「好，我應承你。」
我在口袋拿出一個盒子，交到小蔚的手裡。
「送俾你，就當係對你嘅祝福。」
「再見。」我沒有回頭看小蔚收到吊墜之後的表情，只是緩緩步入候機大堂。
不知道，下次見面，會是何時。
在英國的生活並不簡單，起居飲食和學習都要靠自己。
不過在香港也一樣，只是。
只是多點情感罷了。
在這裡，每天都是練琴和學樂理，基本上沒空餘時間顧及其他事情。
不知道她與逸哥發展得如何。
而且，這個紙袋裡面，究竟裝著什麼神秘的東西，還要我在追求自己的目標之後才可以打開。
話說早陣子，我又安裝回Instagram。
說白了是想了解小蔚的近況。
然而我發現她Instagram裡，依舊只有與我的合照和一些風景相。
但也有上載幾幅新照片。
Caption嘛...大概就是想念以前的生活之類，沒什麼特別。
時間轉眼即逝，一個人來了英國已經好幾個月，也沒說習慣不習慣，反正日子都是這樣過。
平安夜，獨自在宿舍喝著熱紅茶研究樂理，也是挺不錯的事。
「............」
「都係出去Fing吓。」但是，難得的聖誕，留在家中好像有點不是味兒。
於是我披上大褸，便出門走走。
外國的聖誕氣氛不比香港差，甚至乎更濃厚，街上都是人群和漂亮的燈飾，四處都播放著耳熟能詳的聖誕歌曲。
我把圍巾拉上臉，蓋過鼻子，然後插著口袋在街上遊走。
忽然，一名中年女子表情愉悅地向我搭話。
「Hello！Why you walk alone？Where’s your friend？」
「I don’t have friend...」
「Oh come on！Let’s get happier in this unique day！」
於是她便拉著我，與她的朋友跳起舞來。
英國的平安夜是有下雪的，在雪中跳舞也沒太大問題，要是平安夜在旺角街頭無緣無故地跳舞。
應該會被人當作癡線佬。
「Ah haha.......」
大約晚上十二時，我回到宿舍，電話忽然震動。
「招爺 我喺倫敦 出嚟飲杯嘢呢？」
「逸哥...？」
「又會無啦啦喺英國...」
「唔喇 啱啱喺街返去 唔想出門」
「出嚟啦 唔出驚你後悔」
「做咩走嚟英國。」我端起啤酒，看著杯子說。
「掛住你囉。」逸哥笑道。
「.............」
如果是兩個月前的我，見到逸哥應該會揍他一身，但現在已經沒什麼感覺。
「你嚟咗英國，成個人都唔同曬。」
「係咩。」
「好似成熟咗，但又好似唔係。」
「即係點？」
「冇冇冇，當我鳩噏哈哈。」
看來逸哥已經醉了。
「所以點啫，又講到我唔出嚟會後悔咁。」我托著頭淡淡地說。
逸哥稍為認真起來，深吸一口氣。
「你...係咪仲誤會緊？」逸哥說。
「誤會？咩誤會。」我咬咬花生道。
「我同小蔚囉。」
「下...有咩誤會...你哋唔係偷偷哋背住我一齊咩。」我漫不經心地說。
「屌，果然係。」逸哥掩掩臉說。
這時，我開始有點兒緊張。
「乜Q呀...講你就講啦...」我放下手中的啤酒杯。
「我唔知你點樣得出「我同小蔚一齊」呢個結論。」
「但我可以話俾你聽，我同佢冇一齊過。」逸哥攤攤手說。
「唔洗氹我喇，我冇嘢。」
「屌...我認真，我同小蔚一啲嘢都冇。」逸哥掩臉說。
「.................」
「點會冇呀，明明嗰陣成日見你接佢出入，又偷偷哋背住我出街，連小蔚搬屋嗰陣都係你老豆車佢。」我疑惑地說。
「仆街喇今鋪真係...我一直以為小蔚有同你講清楚....」
「下...咩呀...」
「就咁嘅，即係..我同小蔚唔係真拍拖，係扮出嚟。」
「係扮出嚟，Ok？」
「..............」
不是吧。
「扮....？點解要扮拍拖？」
「唉。」逸哥嘆嘆氣。
「講起就一匹布咁長，就咁嘅，你知我老豆係做生意，都有幾個錢㗎啦。」
「知，咩瓏琛集團呀嘛，仲成日揸住㗎寶馬，點會唔知。」
「我老豆成日咪叫我去應酬嘅，其實係想幫我相體。」
「所以呢。」
「有一次，老豆好似平時咁叫我同個女仔去街。」
「你唔係想講，出到嚟見到個女仔就係小蔚，咁王家衛下話。」我又喝一口啤酒。
「Bingo！點解你咁醒？」逸哥驚訝地說。
「Wtf....」我差點沒噎死。
「我見到小蔚嘅時候梗係呆咗呆啦！不過又心諗原來係識嘅人，可以唔洗做戲。」
「咪住先...你頭先又話你同佢係扮拍拖？又係咩一回事。」
「小蔚屋企本身都係做生意嘅，都算幾有錢。」
這點我明白，否則她怎會可能一個人搬到上水住。
「但今年年頭，小蔚爸爸嘅生意拍檔，呃完佢錢走咗人。」
「唔..唔係掛。」
「而且，小蔚媽咪本身有重病，需要大量的手術費。」
「之後嘅發展，唔洗我講啦。」逸哥搖搖頭說。
「跟住你就想叫你老豆幫小蔚，但你老豆嘅條件係想你同小蔚拍拖。」
「完全正確呀屌你。」
「..........」
「喂，做咩咁嘅樣，係咪太過意外，接受唔到。」逸哥拍拍我說。
「咁...咁...嗰陣小蔚話考完DSE要搬返香港嗰邊...」
「因為想多啲時間阿佢媽咪囉，冇理由仲咁自私㗎嘛。」
「....................」
「即係話，一直都係我誤會咗小蔚？」
「Exactly，仲等小蔚為你喊咁多次，你都仲矇查查。」
「咁點解佢唔同我坦白....」
「屌！佢點知你會見到我同佢出街啫！」
「同埋，佢都係唔想你擔心，等你可以專心考好DSE。」
聽到這裡，我終於明白所有事情。
「點呀，係咪好後悔當初咁樣對小蔚，好想即刻飛返去香港搵人？」逸哥奸姣地笑道。
「後悔就實後悔，但我唔打算即刻飛。」我淡定地說。
「喔？願聞其詳。」
「因為小蔚同我講過，要追求自己嘅目標先。」想起在機場時，小蔚給我的紙袋。
「我知道，呢一刻嘅你，想追求嘅係音樂，係自己嘅興趣....所以我唔會講啲咩去阻止你...」
「但...！我只希望當你追求到自己想要嘅目標之後，可以打開紙袋裡面嘅嘢。」
「嗯...咁等你準備好，先返去啦。」
「我諗佢都等得你幾辛苦。」
「返到去要好好道歉。」逸哥拍拍我，便揚長而去。
「喂屌你未俾錢呀仆街逸！」