夕陽下的飛鵝山道 (完）: 3.最近好嗎？

我還記得初中時的那個何芯晴，勤力好學丶人緣又好，身邊總有很多朋友，亦有很多追求她的男生。但她和一般女生不一樣，樸素簡單而且她不會拖拉，聽說到中學畢業也沒有一個追求者成功追到她。一個月總有幾天她會缺席，我跟她曾經是鄰座，所以那時我們都算聊過很久。

「林梓傑！」忽然我身後一把很迷人的女聲叫我。我一回頭，天啊...女大十八變，她比以前更迷人可愛，兩頰酒窩深了，笑起來眼睛還會放電。她打扮很鄰家女孩，背著小背包。

「林梓傑！！」她走到我面前拍我肩：「你望咩咁入神呀？」

「冇啊...」我收起自己興奮的內心，又說：「你同以前一樣，除咗頭髮長左同靚左，冇咩點變。」

她含羞地笑了：「你個樣同個酒凹都冇變，仲靚仔左，但你以前好似冇咁口花喎～」





「我講真架。」我認真地說，又問：「不過真係冇諗過，我就話宅左毒左所以成日打機。你咁勤力，又多朋友，點會有咁多時間打機，d戰力仲勁過我咁多？」

「冇衝突架～」她和我邊走邊說：「同埋我早過你玩嘛！」她又問我：問我「咁耐冇見，你之前讀咩？而家又做緊咩呀？」

「我？大學讀工程，畢左業之後我搵左份工寫下website ，不過冇幾耐財政問題間公司摺左，而家待業。咁你呢？你讀書咁叻，應該唔似我咁失敗。」。

「我讀psycho，而家讀緊clinical master，希望快d畢業可以做clinical psychologist～」她滿有自信，在她眼中看到一團火。我一邊很羡慕，另一邊為自己的將來而憂煩。

「你個人咁煩咁，你好多煩惱咩？」她仿佛一眼看穿了我。





「我都想可以好似你咁有咁明確嘅目標，又咁有自信。」我苦笑。

她忽然停下腳步，我也急急停下，了解她怎麼停了下來。「我帶你去一個地方？」她凝望著我。