【二月廿九番外篇】《沒有穿越的平行時空》: 第十五章 選擇
第十五章 選擇
Ryan︰「我琴晚搵咗好耐資料，我覺得最大機會係子宮頸癌，但我唔肯定。」
Yeesa︰「我知點做㗎喇，我今日會約Fiona出嚟講呢件事。Ryan，好多謝你咁幫我呀！」
Ryan︰「你仲咁客氣我就真係嬲㗎！」
辰叔煮好早餐，叫他們一起吃。Ryan望望手錶，原來時候不早，要開工，要求將早餐打包，然後離開。
辰叔：「喂，你同Ryan究竟攪咩呀？」
Yeesa︰「冇嘢呀！」
辰叔：「老老實實，你同Ryan係咪拍緊拖呀？」
Yeesa︰「唔係呀！」
辰叔：「我都覺得唔係，但又好似係。Ryan對你幾好吖，好過之前你嗰啲男朋友。唉，唔理你哋喇！仲有，我想問吓你，隻狗仔依家點呀？新主人對佢好唔好？」
Yeesa︰「爸，你係唔捨得隻狗仔嘅，當初做乜叫我送走佢者！」
辰叔：「邊有者，問吓喳嘛！唉，唔講喇，我去開鋪喇！」
辰叔拿著酒瓶，一邊喝著酒，一邊慢慢地走出家門。
辰叔一向都是口不對心，有時Yeesa覺得父親很難觸摸，很難與他相處，溝通不到。其實辰叔非常關心Yeesa，只是不懂去表達，以致二人關係不好。辰叔開始有些轉變，以前一向不理Yeesa的感情事，今次他主動關心Yeesa和Ryan的事，確實讓Yeesa有些意外。
Yeesa心裡其實也非常感激Ryan為她做過的事，猶其昨晚發生的事，Ryan比她還要緊張，用了很多時間幫她分析Fiona的問題。不過，Yeesa想先處理Fiona可能會病死的事，感情事稍後再想。
※※※※※※※※※※
Yeesa約了Fiona在公園相聚。Fiona預備了生日禮物給Yeesa。
Fiona︰「生日快樂，送俾你㗎！」
Yeesa︰「多謝！」
Fiona︰「我同嘉嘉尋日商量過，覺得你生日會有人陪，所以冇阻住你。你尋日搵咗邊個陪你呀？余家聰定Ryan呀？」
Yeesa搖頭，開始眼貶淚光。
Fiona︰「做咩呀你？」
Yeesa︰「我琴晚又睇到閃影呀！」
Fiona︰「係咪又係見到交通意外嘅新聞？」
Yeesa再次搖頭，說：「有冇睇到嗰單新聞已經唔重要，最重要係我睇到另一樣嘢。」
Yeesa將她看到Fiona將會在2018年9月因病去世、很可能是患有子宮頸癌、Jonathan後悔決定去保留BB的事，說給Fiona知。Fiona初時並不當是一回事，但越聽越覺得真實。
Yeesa︰「當然，我唔知我接通咗嗰個平行宇宙，究竟有幾多嘢同我哋呢個時空係一樣，幾多嘢係唔一樣。但係，為求安心，不如你依家去做個檢查，起碼排除咗你冇病呢個可能性先啦，好冇？」
Fiona眼見Yeesa聲淚俱下，一心為自己著想，於是同意做特別檢查。
※※※※※※※※※※
這數天，大家都在等待著Fiona的檢查報告，Yeesa對於再次有閃影一事，已無心裝載。她此時認為，最重要都是她的朋友，她們一定要平平安安，健健康康。同時，她對自己有看穿平行宇宙的能力感到厭煩，她只想做回一個普通人。
今天，她返回神聖幾何。眾人也急著問Yeesa究竟閃影看到甚麼，她也不願多談，只顧著執拾自己留在學會的私人物品。
家聰：「Yeesa，如果你見到另一啲嘢，知道咗另一啲資訊嘅話，你同我哋講啦，我哋可以幫你改變。」
Yeesa︰「Sorry，煩咗你哋咁耐，我唔想再研究我有閃影嘅事。」
家聰：「時間仲係好早，我哋可以改變㗎！」
Yeesa︰「我見到我好朋友有事呀，我見到佢離開咗我哋。」
神聖幾何眾人也估到今次Yeesa會看到另一件事，原來是關於她的朋友。
Yeesa︰「我唔想知道自己嘅未來，唔想知道其他人之後會點，唔想知道自己幾時死，唔想知道我嘅朋友幾時死。我淨係想做番一個普通人喳！」
家聰：「好呀，咁你走啦，繼續逃避啦！」
Yeesa︰「我唔係逃避呀，我想處理咗我朋友嘅事先。我遲啲再搵你哋啦！」
Yeesa離開，眾人也不懂反應。隔了不久，家聰下樓梯追出，在中途追上Yeesa。
家聰：「Yeesa！」
Yeesa回望。
家聰︰「記住，唔好放棄。我相信你會救到你朋友，你有咩事諗唔通嘅話……你搵我啦！」
Yeesa點頭，道：「多謝你！」
※※※※※※※※※※
Fiona的化驗報告，証實Fiona真的患有子宮頸癌，暫時屬於中期。醫生說有兩個選擇，第一是於懷孕七個月時，即大約兩個月後，進行剖腹生產，然後立即進行治療；第二是立即終止懷孕，並進行治療。而最徹底清除癌細胞的治療方法，就是徹底切除子宮。
如果選擇第一個方法，醫生不能預計兩個月後癌細胞的擴散程度，到時可能會令病程惡化，所以並不建議此方案。第二個方法是最好，現在癌細胞暫時未擴散，如果終止懷孕並立即切除子宮，是最有效的治療方法。當然，如果選擇此方法，Fiona便不能再生育。
現在已很明顯，這個時空的Fiona，擁有和另一個平行宇宙的相似狀況，証明這兩個時空的關係非常密切，大部分的狀況都很相似。
Yeesa一直陪伴著Fiona，但Jonathan暫不知情。
Fiona︰「我想知，喺另一個時空嘅我，最終係咪揀咗BB，之後我病死咗？」
Yeesa點頭。
Fiona︰「另一個時空嘅Jonathan，你問過佢，如果俾多次佢揀，佢會揀我而唔揀BB？」
Yeesa︰「我唔肯定，但好大機會係，我感受得到電話入面嘅佢係好傷心。」
Fiona︰「你俾我靜吓、諗吓先啦。」
Yeesa心裡也很難受。上天給予她與其他平行宇宙聯系的能力，令她能預知Fiona會因病去世。但這種預知能力，增加了大家的煩惱，以及要Fiona和Jonathan作出殘酷的選擇。如果他們選擇終止懷孕，亦即是說，Yeesa殺死了BB，呃殺了BB生存的權利。
※※※※※※※※※※
Fiona跟Jonathan講出自己的病情，以及Yeesa在閃影時看到未來的景況。
Jonathan︰「你嘅健康最緊要，我哋唔好要個BB啦好唔好？」
Fiona開始哭泣。
Jonathan︰「我知你到呢個moment，都好想keep住個BB。好多嘢你都可以話事，你決定晒，但係今次，可唔可以由我決定？」
Fiona︰「我唔可以因為自己而冇咗個BB！」
Jonathan︰「我哋點解要生BB？係因為我地相信，我同你可以俾到最好嘅嘢佢，但我冇咗你我唔得㗎！」
Fiona︰「可能會冇事呢！可能呢個時空嘅我，又可以生到BB出嚟，又可以醫番好呢！」
Jonathan︰「我唔會搏！醫生都講，依家接受治療係最好選擇。初時我都唔相信Yeesa所講嘅嘢，但依家我信喇，我信Yeesa講嘅嘢係真！如果我今次俾你做決定，我一定會好後悔。我求吓你啦，即刻做治療啦！」
雖然Fiona很掙扎，但最終也答應不要BB，立即接受治療。
今次這事件，當事人Fiona和Jonathan固然傷感，要作出決擇之餘，又要面臨生離死別。至於Yeesa，其實Fiona二人作出哪個選擇，對她而言也是痛苦，因為閃影一事，令她介入當中，好像操縱了BB的生死權利一樣。