《疫戰都市》-《這個殺手不太濫》: 第三十六章 - 騙徒偽術家

五十嵐飛燕的電單車追蹤文治的GPS定位來到一處偏僻的鄉村俱樂部，門外停車場擺放著多款富豪級名車。五十嵐利用純熟的手法瞞過門外的保安系統。進入俱樂部後，為避開保鑣，她把潛行者戰衣調整至攀附模式，戰衣由司馬亮負責設計，全身上下加入了納米吸盤，能透過人體磁場改變身上不同位置的吸力，藉以在牆壁和天花上任意爬行，比起手套有更強大的攀附能力。由於五十嵐體內裝置著增幅器，大大加強了爆發力與及人體磁場各方面的參數，這件戰衣便成為了她獨一無二的作戰工具。

在天花板的一個暗角位置內，這裡看到一些商家和富豪在宴會桌上高談闊論，五十嵐飛燕利用特製的眼鏡在遠方監視，眼鏡內附設了望遠鏡功能，並且能以超遠距離收音，所有內容皆能完全掌握其中。隔了一會，有兩個人物從望遠鏡中被識別了出來，其中一個是文治，另一個與文治交談的人竟是太保。 
「恭喜巫局長，聽日國會聽證會上我會公佈調查結果，證實閣下係清白嘅。」文治說。
「少同我嚟呢套，我唔係陶美瑾，唔會喜歡被人擦鞋嘅，你點樣出賣佢我一清二楚，今後我要你做咩，你就做咩，咁就得啦。」太保說。
「趁人齊，我今日想問個明白，文局長咁樣係咪暗示我哋今後嘅生意要結束啦？」在坐其中一個富豪問道。
「其實畢凡之前做咗好多有損國家利益嘅野，新一屆政府準備對商界既往不究，但係各位從今以後......」文治說。
「我可以向大家保證，只要有我巫尚權一日，無論軍火或者冰毒交易、抑或人體器官買賣，一律照舊，甚至可以擴大規模。」太保爭了主動權說，並且介紹旁邊一位陌生男子給其他人。

「在下叫賈惺惺，係賈士圖弟弟，自從我大哥死咗之後一言堂依家由我話事，請多多指教。我哋一言堂喺地底城有好多人體器官貨源。」賈惺惺說。




「唔通地底城裡面個器官農場係……」文治向賈惺惺問。
「係，個器官農場係我哋經營嘅。依家外面每日有咁多確診個案，器官農場可以提供一條龍服務俾上層社會嘅病人，令到感染邪惡病毒而出現器官衰竭嘅人可以隨時隨地獲得備用器官移植。我依家做咗話事人之後，會推動一言堂同政府合併，我有信心可以比我阿哥搞得更大更好，咁亦係點解巫局長要派韓風去接我上嚟嘅原因。」賈惺惺說。
「辛苦大家，若非咁做，陶美瑾個八婆亦唔會輕易相信機關已經被消滅，其實八腳馬呢條廢柴我想佢死好耐啦，佢經常獨斷獨行，又唔聽我指揮，睇嚟令文局長受咗唔少痛苦同委屈，哈哈。」太保以輕蔑的態度說。
「我聽人哋講，機關入面有人會出面指證巫局長係組織策劃者，件事係咪真？」另一個富豪問道。
「陶美瑾想搵機會剷除我，自然咩都會擺出來，不過佢應該自身難保。」太保說。
「巫局長請放心，嚮我哋國安局嚴密保護之下，陶美瑾一定唔會行差踏錯。」文治恭敬地回應。
「最近交通事故頻繁，我擔心佢會遇上意外。」太保說。