由O Camp組爸組媽變左做真正既夫妻: Chapter 52

我地上車之前，就帶左Claudia去睇我地屋企新買既凌志RX200T先，滿足下佢既好奇心，如果唔係一定會比佢大刑侍候，以為我同爹地去沙沙滾。

「嘩，呢架咪係凌志最新款架RX？」Claudia見到，好驚訝咁問我。

「鐘意嗎B？」

「幾有型啊！哈哈！以後可以做保姆車啊！」

「下次先用呢架車車你啦！」



「當然啦！我鐘意你架掃把佬，同埋我架Fit仔！不過我地去邊啊？」

「不如去科學園啦！」

「好啊！」

我地兩個就開車，沿住大埔公路同吐露港公路北行，呢一段直路基本上係前往新界北及邊境既必經之路。另一方面，由於呢到係三條行車線既高速公路，一直都係非法賽車既熱門路線。


去到科學園停低左架車，我地兩個就慢慢行。呢到基本上係搞科學研究，同時亦都係適合一家大細黎呢到。一個漆累既夜空、一個噴泉、一些燈光，又係另一種心情、畫面、感覺。




「嘩呢到真係好唔同啊！」Claudia同我講。

「係啊！呢到對面係中大，我以前夜晚冇野做嗰陣就會揸車黎呢到Hea下。」

「咁開心，港島都冇呢啲野啊！」

「有！數碼港！」



「嘻嘻！咁都比B你識穿。你以前成日同Winnie黎呢到架？」

「一時時啦！而家同你黎，將來同我地既BB黎！享愛我地三個、四個、五個既家庭樂。」

「你就想啦！想我幫你生BB！」Claudia好嘴Gel咁講。

「你冇得反悔架啦！你注意要比我食！」

「好奸啊你！」Claudia又打我。

打完我之後，我都唔執輸，係咁擠Claudia全身，雖然佢口裡說不，不過身體很誠實，睇佢都好Enjoy咁。如是者我地兩個係到你追我逐，幾乎成個科學園都比我地跑晒。我地呢兩個二十幾歲既男女就好似幾歲既小朋友咁係到玩伏匿匿，但係我地兩個都放慢速到，有心想比對方捉到。跑到去架掃把佬隔離，我終於頂唔順，係車頭到蹲著。突然間有人從我後面用手攬住我條頸，又用對波壓落我個頭到，唔使諗呢個女仔一定係Claudia啦！佢咁樣搞到我小鹿亂撞，面都紅晒。

我轉頭望，嗚啊！真係Claudia啊！然後佢笑盈盈咁望住我，佢呢個笑容，就好似上天派落黎既天使，黎拯救我呢個世人。




「嘻嘻！仲捉你唔到！」

「我投降啦大小姐！」

「要懲罰你！」

「咩懲罰啊？唔好啦！」

「懲罰就係，我要你Kiss我！」

既然我技不如人，就乖乖接受女朋友既指示，係咁Kiss佢，而我當然係嘴對嘴啦。同時Claudia亦都好主動咁樣Kiss我，我知道其實佢真係好開心。不過你地有冇問我有冇同佢車震，我地兩個咁理智當然唔會啦，被啲麻煩人照我地田雞咪仆街。

「B啊！不如我地入埋中大啦！」

「咁夜入去做咩啊？」



「搵個女仔Friend囉！」

「以為係男仔Friend添？」

「男仔Friend？有你一個咪夠囉！」

「係既係既！」

我地兩個就上返車，過對面橋入返大埔公路，去到正門就轉入去。由於以前成日由屋企跑黎中大，再加上呢到都有幾個中學同學係到讀書，會不時黎呢到搵佢地食下野冷下車，所以我對呢到都好熟。遲啲姑丈會黎呢到教書，我諗呢個係姑媽佢地會住返舊屋既原因。



入到去，我地兩個就去左正門。



「B啊！你朋友係邊間書院啊？」

「我睇下先啊！係新亞啊！」

「OK！」

用左五分鐘左右，去到新亞書院。話時話中大校園面積真係大到仆街，差唔多係港大既10倍，一轉堂就要比錢坐Shuttle Bus去另一個Faculty上堂。而且呢到仲要係背山面海，除左有個大學站之外，基本上出返市區食野都唔方便，唔似得港大咁集中，出返去就即刻有好多餐廳比你任君選擇。不過其實係香港讀邊間U有咩所謂啊？只要係八大、學士學位課程咪得囉！有時真係諗唔明點解啲人咁鐘意將呢八大成日比黎比去？總之唔係毅進仔就得啦！但如果比我Jupas再排位既話，我點都會揀Hku，然後再Cu、Poly、Bu、CIty等等⋯⋯至於點解你問我唔揀Ust？？？好簡單，因為一黎Ust科少，二黎Ust每年都好多同學仔會讀到想自殺，而且Gpa低過某個分就會即刻革扯冇人情講。唔似得Hku或者其他U咁，只要同個Professor搭下膊頭，抄下格仔，關係好啲，肯改善既話，一定相安無事，學運亨通地畢業。

到左新亞樓下，有個女仔落左黎，好雀躍同Claudia打左招呼。睇個女仔都幾靚，不過如果同Claudia相比，肯定會差啲架啦！始終Claudia係我女朋友，當然有落差架啦！