由O Camp組爸組媽變左做真正既夫妻: Chapter 42
Leon指住我架GDB講：「喂Aaron你架車唔錯喎！你嗰架係咪S203版黎架？見到你改裝過黎。」
我：「唔係啊，只係普通版既WRX STI黎！只不過我之前改左少少野姐。」其實我改左好多野，但係肉眼睇只不過換左鈴同喉。
Leon：「I See！你新車買返黎架？」
我：「唔係啊！之前我Boss好平咁賣左比我！不過因為佢之前都少用，所以都幾企理。」
Leon：「哈哈下次一齊遊車河啦傾下車經啦！我有部R32 GTR，借比你玩下啦！」
我：「一言為定！」
Miki＆Claudia：「兩位大少傾完未啊？」
我＆Leon：「黎啦！」
之後我地四個就上左車返左太古城。。。。。
到左屋企停車場，見唔到爹哋架車，佢地應該未返黎。之後我地就返左屋企
唔知點解Miki同Leon都嘩左一聲，可能係第一次上黎
Miki：「你屋企都幾大喎！有冇麻將打先！」
Leon：「你咁架第一句就問人有冇麻將打！」
我：「Sorry啊因為我屋企人唔打麻將架！所以冇係到！」
Claudia：「冇所謂啦！不如我地玩啲四個人既GAME啦！ anyone have opinion？」
我：「不如玩"真心話和大冒險"啦！」
Claudia：「又玩呢個上次去O Camp咪玩過囉！」
我：「係喎我記某位小姐輸得好慘哈哈！」
Claudia：「你係咪想死呢請問？」
Miki：「我想再玩多次啊！上次玩得未夠喉啊！」
Leon：「岩啦！我都想玩啊！」
我：「而家三票對一票，冇得上訴！」
Claudia：「好奸茅啊你！」
我Kiss左Claudia一啖：「唔好嬲啦BB！」
Claudia：「算你啦！」
Miki：「好啦我地開始啦！」
呢個時候有鎖匙聲，原來係妹妹同爹哋媽咪返左黎。
爹哋：「阿仔你返左黎啦？乜咁熱鬧啊？」
媽咪：「雅晴你都係到啊？隨便啦唔使客氣架！」
Claudia：「Hello 世伯伯母！你地好啊！」
妹妹：「阿哥，Claudia姐姐，Miki你做咩會係到既！」佢見到Miki即刻好鄂然。
Miki：「Angela。原來你就係Aaron既妹。」
我：「妹你識Miki架咩？」
妹妹：「係啊！Miki係DGS大我一屆架，原來佢係Claudia姐姐既學妹！」
Miki：「係啊！不過我細你哥哥同Claudia好多架！」
Leon：「係呢Angela一唔一齊玩啊？」
妹妹：「好啊！」
Claudia：「Angela你掛住Miki姐姐玩得架唔使理我同你哥哥啦！」
我：「係囉你唔使掛住我呢個親哥哥啦！你威威啦！」
妹妹：「唔係啊！我地五個一齊玩啦！爹哋媽咪一唔一齊玩啊？」
爹哋：「唔啦你地玩得開心啲啦！我同媽咪仲要做埋啲公司啲野啊！阿仔你拎埋部PS4出黎玩啦！」
媽咪：「唔使理我地架啦！不過細聲啲喎！唔好嘈住隔離屋啊！」
我：「知啦！」
妹妹：「我地玩咩game先？要岩五個人同小朋友玩既。」
Claudia：「好好好！我地玩咩game先？不如玩國王game啦？」
妹妹：「好啊好啊好啊！」
我：「妹妹你識唔識玩架？」
妹妹：「當然識啦！你估我係你咩？」
Miki：「你真係成日抵毀你阿哥。」
Leon：「Angela加油一齊打低你哥哥！」
妹妹：「好好好！」
我：「好啦我地開始啦！邊個抽到King既做國王啦！三，二，一開始！」
Miki抽到King，所以Miki話事
Miki：「國王要"3"號打"8號"！」
原來係我要打Leon，當然我好輕輕力咁打
之後我地再抽，今次係我抽到King
我：「國王"5"號問"2"號今日食左飯未？」
原來妹妹要問Claudia食左飯未，當然Claudia好溫柔咁答佢「Claudia姐姐食左啦！」
我就係到陰陰咀係到笑.....
妹妹一隻手係到打落我個頭到，好惡咁講：「死仔好好笑啊？」
我地於是再抽，竟然係妹妹抽到King
妹妹：「哈哈我抽到King啊。」
Miki：「係啊你而家可以叫我地做咩都得架。」
Leon：「不過你要講兩個NUMBER架。然後要講國王要乜乜乜。」
妹妹：「好啦，國王要阿哥錫Claudia姐姐，仲要咀對咀啊！」佢好得戚咁講。
Miki同Leon係到拍手叫好，而我同Claudia面到紅埋，搞到大家都唔敢望大家
雖然我同Claudia已經係男女朋友關係，但係我唔想咁快將我地既關係公開住，妹妹今次我真係多謝你唔少。
妹妹：「仲唔咀快啲咀啦！係咪想叫埋爹哋媽咪黎呢？」
而我見到Claudia含情脈脈，面都紅埋，好怕醜既樣。
死就死啦。於是我就Kiss左Claudia（當住妹妹，Miki同Leon面前）
不過Claudia好似好享受咁樣我突如其來的吻，仲做埋主動既角色
我地一直Kiss左好耐，搞到妹妹望住我地。
點知妹妹呢個時候沖入爹哋媽咪間房係到大叫：「爹哋媽咪你地睇下，哥哥終於認左同Claudia姐姐拍拖啦！」
妹妹啊妹妹，你做咩要出賣哥哥啊？我被你害死啦！！！！！！！我即刻沖過去掩住妹妹把口，只可惜一切都太遲了！其實我真係好驚爹哋媽咪唔接受或者對Claudia有意見，又或者係Claudia面前亂咁講野，所以搞到我地兩個都好驚
爹哋：「真架？阿仔你終於同雅晴拍拖啦！好啊好啊！我等左你呢日好耐啦！」
媽咪：「一早要啦阿仔，好好咁對雅晴啊！嗱雅晴我同世伯已經當左你係我地個女啦！如果我個仔蝦你或者對你唔住既話呢就同我地兩個講得架啦！總之我個仔以後就交比你啦！你要好好咁睇住佢啊！」
Claudia：「好啊好啊好啊！多謝世伯伯母！」
我：「。。。。。。」我扮嬲咁望住妹妹。
妹妹仲係到笑：「哈哈哈阿哥多謝我啦！」
Miki：「你要多謝你妹妹啦！」
我：「我真係多謝你唔少啦妹妹！」
妹妹：「嘻嘻我幫你同Claudia姐姐既關係更進一步啊！點知你地兩個真係拍拖喎！咁都比我估到喎哈哈！」
Claudia係到不停咁笑，見到佢笑到好開心。
Leon：「Aaron你睇下Claudia笑得幾開心，睇來佢好樂意做歐太喎！」
Miki：「梁生梁太我地繼唔繼續玩呢？」
我＆Claudia：「要啊要啊！」
媽咪：「不過阿仔你同雅晴拍拖都唔同我地講，好似唔係幾好喎！」
爹哋：「係囉你早少少同我地講啊嘛！等我地早有準備啊嘛！」
妹妹：「係呢幾時發生既事架？」
Claudia好怕醜，向我示意左個手勢，我諗應該佢想我開口講先
我：「其實。。。。。係。。。尋日既事黎架！不過我。。。。想等我地。。。感情穩定左先再同大家公怖。同埋我驚你地未必會接受Claudia！」
Claudia：「係啊係啊！因為我之前驚世伯伯母唔肯。。。。接受我。。唔係。。。。係世伯伯母唔鐘意我。」
爹哋：「哈哈！我地點會唔接受啊！總之你應承我地兩個要好好地對雅晴就得架啦！如果要我同你媽咪評分呢，你呢個女朋友我地會比120分。」
媽咪：「知道未啊仔。好好咁對人地啊！好啦你地繼續玩啦！我同你爹哋要做埋公司啲野先。」
爹哋媽咪走左之後，我地就繼續玩
不過我地玩到一半，Leon同Miki就返去先，佢地話費事做我地既電燈膽
妹妹：「Claudia姐姐我少少功課唔係好識可唔可以教我啊？」
Claudia：「好啊！你有咩功課唔識做啊？」
我：「妹妹做咩咁曳唔做功課啊？」
妹妹：「阿哥你仲好意思講成日掛住同Claudia姐姐拍拖，又唔理妹妹！妹妹嬲你！」
Claudia：「哦原來Angela你呷醋啊？」
我：「對唔住啊妹妹！」
妹妹：「講笑咋！不過你要應承我就算同左Claudia姐姐拍拖都唔可以唔理我！知唔知！嗱Claudia姐姐你要幫我做證架！」
Claudia：「放心啦Angela！我既然當左你係我妹妹就一定唔會唔理你架！你快啲拎功課比我地睇啦！」
妹妹：「知道Claudia姐姐！」
我地兩個就係到幫妹妹溫習同睇功課。。。。不過可能因為轉左教學制度，所以好多野都唔係好識，結果補左差唔多成兩個鐘。
妹妹：「好耶終於補完習啦！」
我：「記得執書包同功課啊！」
妹妹：「知啦！好眼訓啦！吓原來成十二點幾啦！」
我：「唔係你話啊！BB你眼訓未啊？」
Claudia：「吓成十二點幾架啦？差唔多啦因為聽日要返學啦！不過好彩我一早備左課所以返去可以訓覺！」
我：「阿哥你送Claudia姐姐返屋企啦！我自己執書同功課得架啦！！」
我就送左Claudia返佢屋企。