由O Camp組爸組媽變左做真正既夫妻: Chapter 14

第一日晚完左之後，Oscar同Alice叫晒我地所有組爸組媽去晒SU前門口到集合。

於是我同Claudia安置好班組仔組女，換返條牛仔褲之後就即刻過去。

到左SU之後，見到其他組爸組媽同莊員係晒到



之後我地大家就圍圈坐底傾計，睇下今日個RUNDOWN有咩問題



不過大家都認為今年既O CAMP個氣氛其實係歷年搞得最好既一年，雖然今年既人數比往年少，但係勝在容易控制。所以最後出黎既效果竟然出人意表

而Oscar同Alice係大家面前特別嘉許我同Claudia嗰組，話我地兩個第一次做事就好合拍。係咁多組之中表現最好既一組

搞到其他組爸組媽係到望住我同Claudia，令到我地兩個好尷尬

Oscar：「咁各位組爸組媽就返去同班組女自由活動啦！」

Alice：「辛苦晒啦大家！早少少休息啦！」



大家都返左去，而Claudia就扯住我隻手臂。

我：「做咩啊傻妹？」

Claudia：「喂啊好攰啊！不如我地坐係到抖下先！」

我：「好啊！」我地就去左一邊到坐低

Claudia：「估唔到真係咁攰架！」



我：「係啊！不過我諗佢地而家肯定Happy緊啦！」

Claudia：「你估下佢地而定會整啲咩game黎整我地兩個呢？」

我：「唔知呢？可能係啲淫game掛？」

Claudia：「你試下整淫game啦？我實打死你！」

我：「就試比你睇哈哈！你今晚準備受死啦！」我就扮鬼臉同跑開去！

Claudia：「喂衰人等埋我啊！我實追到你架！」跟住佢開恆turbo咁追住我

我：「你追到我先算啦！哈哈哈！」

Claudia：「咪走啊！哎啊！好痛啊！」



佢突然間仆低左，個表情好似好痛苦咁樣！我就於是跑返去搵佢睇下佢點

我：「喂你點啊？行唔行到啊？」

Claudia：「好痛啊！流血！嗚嗚。。。。」佢一路叫一路喊

我：「你隻腳流血啊！」我用紙巾幫佢抹乾啲眼淚。。。

我今次真係玩大左。。。。如果唔係我掛左玩佢就唔會整親

Claudia：「我唔理啊！我要你補償比我啊！」

我：「最多⋯⋯我揹你返去囉！返到房先再算啦！」



Claudia：「算你啦！本小姐就決定原諒你一次啦！」

我就慢慢扶Claudia起身，之後就揹住佢行，見到佢笑返，咩都抵返晒啦！

我feel到原來佢都幾重下，揹住佢行都幾吃力。不過見佢咁可憐，唯有揹到佢返房啦。呢個時候Claudia成個人已經貼住我，佢成對F級波餅比我食晒，搞到我都有少少興奮。

Claudia：「我係咪好任性啊？」

我：「唔係啊！不過你有少少重！」

Claudia：「Sorry啊！要你揹住我行！」

我：「咁我都要負返責任既！頭先如果唔係我玩得過份左你就唔會整親隻腳！咪當補償比你囉！對唔住啊！」

Claudia：「你知就好！所以你以後要好好咁對我啊知唔知！」



我：「知道啦林小姐！」

Claudia：「到啦見到其他人啦！」

我：「係啦！不過送左你入房先！」

Claudia：「唔唔。。。。」

Alice：「喂Claudia你做咩事啊？What's going on?做咩Aaron會揹住你既？」

Claudia：「呢個衰人搞到我整親隻腳啊！所以我要佢補償比我！」

唔知點解大家聽完Claudia咁講，搞到我比全班人話。



我：「你地有冇急用品同冰袋啊？」

Oscar：「我有啊！不過係SU Office。要上去攞！」

我：「咁我扶返Claduia入房先，轉頭問你攞。」

於是我就扶返Claudia入房，一開門見到班組仔組女係到開始玩緊

不過當大家見到我揹住Claudia既時候，就個個沖晒上黎問究竟發生咩事

我同大家就解釋左一輪之後，就叫Miki上黎幫我手，而其他人就自己玩住先。

我放低左Claudia落床，可能我一直都揹住佢搞到我啲肌肉流失得好勁

Miki細細聲同我講：「你同Claudia發生左咩事？咁sweet既？」

我：「我地頭先掛住玩搞到佢唔小心整親。」

Miki：「哈哈！你做咩唔叫佢地幫手既？」

我：「我費事咁多人係到啦嚇親Claudia啦！同埋因為你同Claudia最FD！所以有你幫手會好好多！」

Miki：「I see！我仲以為你會借我過橋添。咁我有咩可以幫你手啊？」

我：「你只係幫我睇住Claudia得架啦！我去攞急救用品同冰返黎。返黎再講啦！」

Miki：「OK！」

我就行左出去問Oscar攞急救用品，點知原來佢同Alice係我地房既出面

Oscar：「做咩同Claudia玩到咁high啊？你地兩公婆真係So funny！輪流受傷都有既？」

Alice：「嘩你係咪食左人地啦？btw佢點樣啊而家。」

我：「多事啦你地。流少少血啦！你地攞左急救用品未啊？」

Oscar：「攞左啦！快啲幫你"老婆"止血啦！佢等緊你啊！」

Alice：「你用完先比返我地啦。慢慢啦喎Claudia既"老公"！哈哈哈！」

我：「。。。。。。」

Oscar：「哈哈哈！用完記得比返我地啦！」

我：「Thank you！錫晒你！」

Alice：「好Gay啊你地！我地走啦拜拜！」

Oscar同Alice走左之後，我就返左入房

我就叫其他人繼續玩，之後入左Claudia間房

我同Miki就幫Claudia消毒同包紮傷口

Miki：「嘩組爸你識幫人包紮咁勁既？你以前做過童軍架？」

我：「係啊！不過以前係出面讀過急救所以咪識囉！」

Claudia：「其實唔使幫我包紮啦！我都冇咩事啊！」

我：「唔得啊！如果個傷口發炎就麻煩啦！同埋我唔想你以後怨我一世啊！病人唔好出聲要聽醫生既話！」

Claudia：「OK！病人遵命！」

我：「咁就乖啦！Miki今次就比個機會你學野啦！」

Miki：「多謝你先啦組爸！」

Claudia：「Miki你有組爸得架啦唔使理我呢個組媽啦！」

Miki：「NoNoNo點會呢？Claudia我唔會唔理你架！囡囡最愛既就係媽咪！」

我：「你地好似兩姊妹啊！」

Miki＆Claudia：「駛乜講！」

我：「係既係既！好啦包紮好架啦！唔好再整親個傷口啦！」

Claudia：「Yes Sir！」

我：「咁你休息下先啦！如果冇咁痛既先落黎啦！」

Miki：「我幫你照顧住Claudia啦！你落去hold住個場先啦！」

我：「拜託你啦！」

Claudia：「多謝你啦衰人！」

我微笑回應Claudia，之後就出左去

而其他組仔組女係到捉住我問我係咪食左Claudia，我為左唔想大家擔心所以就同佢地講Claudia冇事暫時休息一下

由於Miki要照顧Claudia既關係，所以就只有我地玩。而為左可以緩和個氣氛，我就提議同大家玩Truth or Dare

結果全部人都叫好！！之後我就負責用空既水樽黎圍住大家轉

於是水樽轉到Sandy到，我就問Sandy想Truth or Dare

而Sandy就選擇左Truth，於是我就問佢"你鐘睇咩卡通片？"

Sandy：「I love pokemon!!!!!」而坐係隔離既阿Will係咁笑到好大聲，搞到Sandy想打佢

又係我係到出手調停。。。。。之後我就叫Sandy用水樽繼續轉

轉到去Travis到，Sandy就問Travis係咪鐘意睇恐佈片？Travis就答係！

於是又係到繼續轉，轉轉下原來係我！！！大家即刻用可怕既眼神望住我，搞到我好不安。

我就係到諗緊佢地會問咩問題

結果，今次Elise就問我"組爸有冇拍過拖啊？"

聽Elise講起"女朋友"呢三個字，就好似點中左我個死穴咁恐佈，搞到我又諗返起Winnie

我掙扎左好耐，而佢地就好似當我係獵物咁樣

Gillbert：「快啲答啦組爸！！！！！」

呢個時候，Claudia同Miki就出左黎問我地玩咩game，然後就話一齊join。

Claudia行左埋黎同我坐

Claudia：「喂你地問緊邊個啊？」

Crystal：「冇啊組媽我地問緊組爸有冇女朋友。」

Claudia知我有唔妥，就係到暗中打左個Signal比我，仲想幫我答：「其實呢。。。。」

我好硬咽咁講：「有。。。。不過佢已經離開左我。Sorry。。。。不如問下一個啦。」

大家見到我咁既表情，就即刻收聲同靜晒

Claudia見到我咁樣，好細聲咁問我有冇事

我就搖頭向佢示意我冇事。。。

於是又係我轉水樽，今次就轉左去Claudia，而Claudia就選擇左Dare

懲罰係：「組媽要Kiss組爸既塊面？？？」

What？？？？要Claudia Kiss我。雖然我唔多唔少都有少少興奮，但係基於Claudia失戀既關係，所以我唔想佢難做。

我就提議不如玩其他，但Claudia突然間Kiss左我嘴唇一啖。而我就比唔到反應佢。

呢個Kiss亦都係自從Winnie死左之後，有另一個女仔Kiss我。呢種感覺，就好似第一次Kiss Winnie嘅感覺，而呢一次嘅感覺仲要強烈好多。


而Miki佢地就係到開懷大笑！！仲用部相機影低。

呢一刻，我真係好迷惘。我覺得自己好似抽緊Claudia水咁。希望個傻妹唔介意啦。

突然間人有三急，就同佢地講去洗手間。

去去下途中，Claudia就係到拍我門

「喂啊衰人你快啲開門啦！！我好急啊！！！」

原來佢都人帶三急要去廁所交水費。我就即刻著返好條褲同洗手。去開門比佢

之後佢就即刻沖左入廁所，而我亦都好自覺咁行返出去。

唔夠一陣，Claudia就行左出黎，見到我企左係到玩電話

Claudia：「你做咩係到既？」

我：「冇啊覆電話咋。」

Claudia：「原來如此！頭先你係咪好興奮姐？」

我：「。。。。。你唔怕嬲咩？」

Claudia：「咁玩得呢個遊戲要預左啦。我諗佢地會識節制既。」

我：「好難講啊嗰班野。。。信佢地一成肯定失明。」

Claudia：「咁你咪將呢個Kiss當係我報答返你不斷幫我解圍囉。返落去啦我地！唔好再唔開心喇！」

我地於是繼續玩。。。。。

玩下玩下，我見到班組仔組女玩到訓晒係到，所以我同Claudia唔敢阻住佢地休息。

我睇睇手錶原來已經係凌晨4點幾5點鐘，差唔多天光

我：「你眼訓未啊？」

Claudia：「未啊，頭先休息左一陣，而家訓唔著。你呢？」

我：「我都訓唔著啊。你隻腳好啲未啊？」

Claudia：「好返好多啦！唔叫佢地啦？」

我：「由得佢地休息下啦！如果Harsh到佢地有肌肉流失症就唔好啦！」

Claudia：「哈哈！你都幾錫佢地喎！」

我：「係啊！出唔出去行下啊？」

Claudia：「好啊！不如我地去睇日出啦！但係你唔好去到石澳咁遠啊！」

我：「去呢附近算啦！因為我架車泊左好遠啊。」

Claudia：「好啦！行得啦我地！」

我同Claudia行左出去。

Claudia：「估唔到你對佢地都幾細心同照顧喎！」

我：「冇法啦！鬼叫我地係佢地組爸組媽咩？」

Claudia：「好彩係組爸組媽姐。」

我：「你講起呢樣搞到我諗返起Year 1 O Camp時成日比佢地搞。到而家都仲記得。」

Claudia：「吓真架？點Harsh你先？」

我：「係啊！嗰時我地去Camp比人係到Harsh得好慘架，我記得我同Osacr當年成日比佢地罰做掌上壓，Sit－Up，環校跑同言，搞到我地兩個有肌肉流失症差少少要入院。」

Claudia：「啊我記得啦當年我參加SU大O嗰陣見到有一組比人罰得好慘，原來就係你地啦！咁咪仲辛苦過入紀律部隊？」

我：「係啊！嗰時我覺得自己好似入左警校咁。仲曾經有諗過想Quit架！不過我最後都冇！仲佢地做左好朋友！」

Claudia：「Why？Why？Why？Tell Me Why？」

我：「我記得我爹哋同我講過既一番說話囉！」

Claudia：「咩說話搞到你要留低先？」

我：「佢話【合理係訓練，唔合理係磨練】，之後我換個角度諗可能佢地只不過想我地好，想我地將來能夠冷靜同勇敢去面對每一件事。你呢？」

Claudia：「我就冇試過啦因為我組爸組媽對我地好好架！係呢你爸爸係咪做紀律部隊架？講啲野咁似學堂啲教官既？」

我：「係啊！」

Claudia：「I See。咁你媽媽呢？都係做紀律部隊架？」

我：「我媽咪都係公務員。係咪好神奇呢？」

Claudia：「吓真架？少少啦！咁佢地點識架？」

我：「我聽佢地講以前係HKU讀書嗰時因為參加O Camp所以識左，後尾唔知點解就係埋一齊就有左我就結左婚啦！」

Claudia：「哈哈！咁你地一家咪係港大校友？」

我：「可以咁講啦！不如講下你屋企人啦？」

Claudia：「唔講！唔講！唔講！」

我：「我講左我自己既野比你聽喎！你唔係唔講你既野比我講下？」

Claudia：「Sorry啊！我可唔可以唔講啊？」

我：「Well我都尊重個人私穩既，如果你唔想講既可以唔講架！」

Claudia：「哈哈！我只能夠同你講我屋企人係做正當職業既，不過做咩公司我就唔講啦！」

我：「唔怕架！我又唔係啲見高拜見低踩既人黎既。不過我都幾尊重個人私隱既，既然你唔想講就由佢啦！」

Claudia：「唔唔。。。。我地去邊啊？」

我：「不如去買盒野飲啦！」

Claudia：「好啊！」

我地於是去左附近既售賣機到買少少零食同野飲

我：「係呢你飲咩啊？」

Claudia：「我要陽光檸檬茶啊唔該。順便買多條繽紛樂！」

我：「好啊！我幫你㩒先。嗱你既檸檬茶同繽紛樂啊！」

Claudia：「Thank you！你都飲陽光檸檬茶啊？」

我：「諗唔到飲咩唯有跟你風囉！」

我地兩個就係到飲檸檬茶，見到檸檬茶無意中諗起以前鄭伊健既廣告嗰首歌

「當初相遇時回頭在笑
望著笑臉感覺像似首詩
每次見他將心意合成字句
偷偷的Say 'Hello'

如陽光伴我 清新笑迎面
願照遍我心 自視每天快樂過
如陽光伴我 心中更明亮
在細細說聲 但願每天也望見

當初相遇時回頭在笑
望著笑臉感覺像似首詩
每次見他將心意合成字句
偷偷的Say 'Hello'

如陽光伴我 清新笑迎面
願照遍我心 自視每天快樂過
如陽光伴我 心中更明亮
在細細說聲 但願每天也望見

如陽光伴我 清新笑迎面
願照遍我心 自視每天快樂過
如陽光伴我 心中更明亮
在細細說聲 但願每天也望見」

Claudia：「諗咩諗到咁入神啊？」

我：「諗起首歌。」

Claudia：「咩歌啊？」

我：「以前呢款檸檬茶首廣告歌啊！」

Claudia：「係咪嗰首咩【如陽光伴我。。。】啊？呢首好耐囉喎！我記我以前成日聽架！」

我：「我都係啊！以前成日聽架。嗰時既檸檬茶係示愛神器黎架！」

Claudia：「哈哈！嗱請你食架！」佢整開左嚿繽紛樂比我

於是我地兩個一人一嚿，你一口，我一口咁樣解決左條繽紛樂

呢個時候既天空由漆黑一片逐漸變成美麗既藍色，而東邊既太陽亦都逐漸升起。

我：「傻妹你望下嗰邊。」

Claudia：「好！靚！啊！我用電話影底先！不如我地好似上次咁幫大家互影，然後再一齊影啊好冇啊！」

我：「好啊！我幫你影先！」

於是Claudia係到叫我用自然笑，三七面同完美背影既pose幫佢影相

Claudia：「影成我點啊？」

我：「我呢個攝影師你收貨嗎？」

Claudia：「可以啦！輪到我幫你影啦！你想擺咩pose啊？」

我就於是學啲韓仔咁交叉腿盤坐，然後係到托頭同微笑。搞到Claudia好開心

影完之後就輪到我地一齊影，我就問Claudia想selife定係擺部機係地下一齊影

佢就話要selife，於是我就攞部電話一齊selife係咁影

起初Claudia就好似小鳥依人咁成個人挨落我個手臂到，如果佢男朋友見到肯定會將我斬死

我地又係到不停換pose，一時兩個人趴落地下到，一時我就將佢成個人揹起，好似情侶咁Sweet

搞左成二十分鐘先影完

Claudia：「你可唔可以返send相比我啊？不過唔好擺係group到啊。」

我：「我AirDrop比你啦！得左啦！」

Claudia：「Thank You！你會唔會用黎要脅我架？」

我：「我似啲咁既人咩？」

Claudia：「我都相信你唔會既。返去啦我地！費事佢地醒左唔見我地啊。」

我地於是就行左返去我地間房。