[穿越者叁章][懸疑互動故] 十大作家，誰是兇手{星期日20:00}: 第一章b
二千字，年偶巧叻叻
————————————————————————
「畫中的女郎……」Zoey輕聲道，順便把我拉回現實。
我使勁地眨一下眼，再度望向牆上，牆壁仍舊是白如雪，畫像依然平和地微笑着，剛才的一切只是我的想像，只是幻覺而已。怎麼我會見到這樣古怪的東西呢？撞鬼嗎？
「老公，你覺唔覺得呢個地方好古怪，好似有股寒意咁……」飯妹輕輕摟着希哥的手臂說。
「大驚小怪，無鬼用㗎你！」希哥嫌棄地說着，但臉上卻很不自在，勉強維持着鎮定「喂，成十一點啦，其他人呢？」
我低頭看一看手錶，［10：55］。
「……」
希哥是個中年男人，我猜大約四十歲左右吧，在他身上完全看不到創作人的特質，比較似是那種會拿書墊煲底的人。而飯妹的年紀應該和他差不多，臉容是大眾相，但眼角已有少許細紋，依我看來，她更像是小說作家。要說是她才是小說的原作者，希哥只是好逸惡勞，分一杯羮，相信沒有人會反對。
飯妹從手袋拿出一個保温瓶，把暖水倒到瓶蓋上，雙手遞給希哥。卻見像趕走蒼蠅一樣，煩厭地揮揮手。飯妹臉上閃過一剎那的黯然，但很快就恢復如常，把温水一喝而盡。
「咔。」
「唔好意思呀，咦，你哋咁早到嘅？」一個女子風風火火把推門進來，連珠發炮地說話「我係童若然呀，啱啱set up完之後出咗去買水，所以遲咗少少。」
童若然是個話說活潑，卻穿着文靜的女生。和Zoey的文青風格不一樣，她穿的是碎花白底連身裙，上身搭着淡湖水綠色的長袖薄外套。頭髮是啡色的，夾雜着少許淡粉紅挑染(不是泡泡糖的膠粉紅，而是櫻花粉)。
「若然嘅打扮都幾符合佢本書《繁花依舊》嘅人設喎，係老咗少少啫。」我對Zoey耳語。
「女人最忌人哋話佢老，你真係憑實力單身㗎喎。」Zoey低聲地咬我耳仔。
唉，沒辦法，誰叫你不做我女朋友呢？讓我現在還是一大隻單身狗。呀不，是A0處男單身狗……不過這些話我都只敢在心裡哀嘆，我可不想被佑年活生生打死。
「我想單身㗎咩……」我咕噥一句。
「咳。」劉加皓裝咳了一聲。
「一陣等齊人，我哋再各自做一個自我介紹啦，重覆幾次會好麻煩。」若然坐在飯妹旁邊三個位的椅子說。
「呢幅係你哋帶嚟嘅？」她抬起頭看了眼畫像「個畫風好特別。」
我和Zoey看向劉加皓，如果不是若然帶來的裝飾品，那應該就是最早來的他掛上畫像的。
「唔係你先特登裝飾成咁㗎咩？」劉加皓反問。
若然皺着眉，正想搖頭卻被打斷。
「咚咚咚。」木門傳來三下的敲門聲。
「你…你哋好呀。」一個怯生生，穿着灰色棉上衣和白色牛仔褲的矮小女生靜靜地推開了門。
「你好呀，我係若然呀，你過嚟坐住先啦！」若然站起來熱情地拉着女生坐下。
「咁準時十一點到嘅。」若然熟絡地攀談。
「本身十點就到咗元…元朗，不…不不過我蕩失路……」女生結巴着說。
「你叫咩名呀？」希哥問。
「我我我係柏靈，係《緣分之契約》嘅作者，多多多多指教。」
「呃…我哋一陣齊人仲要介紹多次，所以…umm……」若然有口難言地說。
五分鐘過去～
其餘三個參加者陸陸續續地到達，有一個文質彬彬的西裝友、一個黃上衣黑長褲的熱血青年、一個戴圓框眼鏡宅氣滿滿的宅男和一個戴着鴨舌帽，全程不發一言的男生。
「既然大家人齊嘅咁就嚟自我介紹下先，我係若然，喺上年嘅今日出版咗《若然繁花依舊，我們興許能逃出生天》。今次舉辦呢個作者見面會，為嘅係想作者之間互相交流了解下，所以大家唔好怕醜，有咩想講嘅就盡情講出嚟！」
眾人互相望望後，熱血青年站起來說話。
「無人講咁我嚟先啦。我叫魏匡，唔係好出名好架勢嗰個倪匡，而係poster上面嘅鵝悶腰字油。《渴望自由的氣球》講述咗一個小小氣球喺追求自由嘅過程中係幾咁艱難，但無自由同一隻困喺籠中嘅金絲雀有咩分別？我哋要民主要自由！！！」他激動舉起左手喊話。
「年輕人真係夠晒魄力，下一個？」若然拍拍手說。
「我呀，我係《自殺前的剖白》嘅作者，人性面具。希望可以藉由我寫嘅文字去揭開社會一張張虛偽嘅假面具。各位多多指教。」我微微點頭說。
「我係《巴士奇遇記》嘅作者，時凶真相，叫我Zoey就可以啦！」Zoey接着我的話說。
「我哋係著名愛情小說《愛雪不說》嘅作者，希哥飯妹。」希哥自豪地說着，飯妹在一旁賠笑着。
「嗯，叫我金生，《秒計秒，命歸命》就係我嘅寫照。每一秒都係我嘅錢同青春，希望今次嘅聚會係有意義，唔係喺度聽熱血廢青發噏瘋。」西裝友嘲諷地看着魏匡說，在我心中的形象跌到負分。
「yo我係宅男傑，《如果食雞係現實遊戲》係我玩爆自己個肝寫出嚟嘅作品，至於其他嘢，就等我食埋呢鋪雞先。」宅男一邊橫着手機打電動，一邊說。
宅男傑說完以後，空氣又再度沉默，若然扭扭頭後催促柏靈。
「你哋…好呀，我我係柏靈，《緣分の契約》嘅嘅嘅作者。」柏靈結巴着重覆說。
「差你呀。」劉加皓用腳踢一踢鴨舌帽男，他們認識的嗎？
「……」帽男看了他一眼後，舉起一本封面為《致命投球》，作者名叫Cap帽的小說。
「好啦，咁我哋入正題……」若然拍一下手說，卻再次被打斷。
「咳嗯……」房間中回蕩不屬於在場所有人的咳嗽聲。
「邊…邊個咳呀？」阿傑問。
「呢度，」Zoey抬起頭環顧四周「無喇叭無廣播器。」
「咳咳，各位大作家你哋好。」機械式的中性聲音從四方八面傳來。